Данилов Софрон Петрович: Барыллар ыккардыларынааҕы ураты

[[Ойуу:ДаниловСофрон.jpeg|300px|thumb|right|Данилов Софрон Петрович]]

'''Данилов Софрон Петрович''' — (19.04.1922 — 07.09.1993) — Саха норуодунай суруйааччыта, биллиилээх уопсастыбаннай диэйэтэл, РФ култууратын үтүөлээх диэйэтэлэ, М. Горькай аатынан РСФСР уонна П. Ойуунускай аатынан СӨ литературнай бириэмийэлэрин лауреаата, ССРС суруйааччыларын сойууһун уонна ССРС КГБ-тын бириэмийэтин лауреаата, Саха хомсомуолун бириэмийэтин лауреаата. ССРС суруйааччыларын сойууһугар [[1949]] с. киирбит.

 

Арҕаа Хаҥалас улууһугар билигин [[Горнай улууһа|Горнай улууһугар]] киирэр [[Мытаах]] сэлиэнньэтигэр [[1922]] сыл [[муус устар 19]] күнүгэр төрөөбүт. 1929 с. Бор бастакы сүһүөх оскуолатыгар киирбит. 1940 с. Дьокуускайдааҕы педогогика рабфагын бүтэрэн педагогика институутугар үөрэнэ киирбит. 1941-42 сс. армияҕа сулууспалаабыт, онтон доруобуйатынан сыыйыллан төннөн кэлэн Уолбут 7 кылаастаах оскуолатыгар учууталлаабыт<ref>Саха саарыннара. Хомуйан оҥордулар Л. Г. Николаев, А. Г. Николаев, Ф. Э. Данилов. — Дьокуускай: «Кудук», 1998, ISBN 5-7863-0122-2</ref>. Элбэх сыл суруналыыстаабыт уонна иитэр-үөрэтэр үлэҕэ сылдьыбыт. 1979 с. Саха сирин суруйаачыларын сойууһун бырабылыанньатын бэрэстээтэлэ уонна РСФСР суруйааччыларын сойууһун сэкэрэтээрэ.