Улуу Хоро: Барыллар ыккардыларынааҕы ураты

[[Сэһэн Боло|Сэһэн Боло]] суруйарынан, саха омук үс суол өбүгэлээх. [[Эллэй|Эллэйи]] уонна [[Омоҕой|Омоҕойу]] сэргэ Улуу Хоро ааттанар. Хоролор көһөн кэлиилэрин туһунан атын номоххо кэпсэнэр. Улуу Хоро диэн ааттаах киһи, элбэх киһилээх, сүөһүлээх илин диэкиттэн кэлбит. Бэйэтэ оҕус миҥэлээх көһөн испит. Алданы, Амманы, Тааттаны туораан иһэн, ааттаан ааспыт. Билиҥҥи Бороҕон улууһугар, [[Мүрү (күөл)|Мүрү күөлүгэр]] тохтообут. Манна этиллэринэн, [[Таатта (үрэх)|Таатта өрүһунөрүһүн]] аата Улуу Хоро «Ээт татай» диэн саҥа аллайыытыттан тахсыбыт. Билиҥҥэ диэри Таттай диэн харыстыыр аат [[Байкаал|Байкал]] таһынааҕы хоролорго туттуллар эбит, улаханнык соһуйдахтарына, үөрдэхтэринэ, хомойдохторуна өмүрэн этиллэр эбит.<br>

Хоролор Улуу Хоро уонна [[Тыгын|Тыгын]] баһылыктаах соҕурууттан кэлбиттэр, уонна элбэх сылгы, ынах сүөһүнү үүрэн аҕалбыттар. Олохтоох тоҥустары кырган баран, кинилэр сирдэригэр олохсуйбуттар. Тыгын хоролору кытта Ытык Күөл ([[Туймаада хочото|Туймаадаҕа]] баар) таһыгар олохсуйбут. Байан баран, бэйэтин бас билэр сирдэрин кэҥэтэргэ санаммыт. Yгүс сирдэри, [[Алдан (өрүс)|Алданы]], [[Амма (өрүс)|Амманы]], [[Таатта (үрэх)|Тааттаны]], [[Бүлүү (өрүс)|Бүлүүнү]], [[Дьааҥы (өрүс)|Дьааҥыны]] кини маҥнай ааттаабыт. Туймаадаҕа урут эмиэ хоролор олорбуттар. Кэлин сэрииһит Тыгын Тойон, Хоро ууһун күүстээх бухатыырын өлөрөн баран, урут хоролор сирдэрин ылбыт, уонна бэйэтигэр холбообут.