Күн Дьирибинэ: Барыллар ыккардыларынааҕы ураты

Боотуруускай улуус (билиҥҥитэ [[Чурапчы улууһа]]) [[Болтоҥо]] нэһилиэгэр [[1903]] с. [[ахсынньы 24]] күнүгэр төрөөбүт. Саввиннар бары даҕаны үөрэҕи баһылаабыт дьоннор. Убайа [[Саввин Андрей Андреевич|Андрей Андреевич Саввин]] (1896 - 1951) - краевед, этнограф, фольклорист. Бырааттара [[Саввин Виктор Афанасьевич|Виктор Афанасьевич Саввин]] саха биллиилээх артыыһа этэ. Сирдэригэр-уоттарыгар Саввиннар Чочоолоптор диэнинэн биллэллэрэ. С.А.Саввин оҕо сааһыттан сытыы-хотуу, булугас өйдөөх, үлэни-хамнаһы кыайымтыа киһи буола улааппыта.

Чурапчы түөрт кылаастаах оскуолатын бүтрбитэ, онтон 1919-1920 сыллардаахха волревкомҥа үлэлээбитэ. Ол кэнниттэн [[Дьокуускайдааҕы педагогика техникума|Дьокуускайдааҕы педтехникумҥа]] киирэн үөрэнэн испитэ. Ол саҕана гражданскай сэрии күөдьүйэн, ЧОН (части особого назначения) этэрээтигэр байыас буолан 1922 сыллаахха Тулаҕы Киллэмҥэ сэриигэ, онтон 1923 сыллаахха Амматааҕы кыргыһыыга кыттыбыта.

1933 сыллаахха КУТВ (Коммунистический университет трудящихся Востока) үөрэнэн бүтэрбитэ. Онтон "[[Кыым (хаһыат)|Кыым]]" хаһыат эппиэттиир эрэдээктэринэн анаммыта. 1939 сылтан [[Саха сиринээҕи кинигэ кыһата|Саха сиринээҕи кинигэ кыһатыгар]] тылбаасчытынан уонна эрэдээктэринэн үлэлээбитэ. 1942-45 сылларга танковай-десантнай ротаҕа сулууспалаабыта, [[Сталинграад кыргыһыыта|Сталинграад кыргыһыытыгар]] кыттыбыта. Сэриилэһэ сырыттаҕына 1944 сыллаахха [[ССРС Суруйааччыларын сойууһа|ССРС Суруйааччыларын сойууһугар]] ылбыттара. Сэрииттэн этэҥҥэ эргиллэн кэлэн [[Хотугу сулус (сурунаал)|«Хотугу сулус»]] сурунаалга үлэлээбитэ<ref>Күн Дьирибинэ. Рафаэль Баҕатаайыскай. «Алгыс курдук саныыбын», Дь. Бичик, 2003, 170-178 сирэйдэрэ</ref>.