Новгородов Афанасий Иннокентьевич: Барыллар ыккардыларынааҕы ураты

[[Билэ:Новгородов_аи.png‎|200px|thumb|right|Новгородов Афанасий Иннокентьевич]]

 

[[1902]] сыл [[балаҕан ыйын 4]] күнүгэр [[Верхоянскай]] куоракка улуус суруксутун [[Новогородов Иннокентий Афанасьевич|Иннокентий Новогородов]] дьиэтигэр төрөөбүтэ. [[1917]] с. сайыныгар верхоянскайдааҕы икки кылаастаах оскуоланы бүтэрэн баран [[Иркутскай]]га барбыта. Онно [[Иркутскайдааҕы учуутал семинарията|Иркутскайдааҕы учуутал семинариятыгар]] киирбитэ, онтон ону саппыттарын кэннэ үөрэҕин тыа хаһаайыстыбатын училищетыгар салҕаабыта.

 

1921-1923 сс. А. И. Новгородов Народнай-революционнай аармыйа араас чаастарыгар инструктор-организатор быһыытынан сулууспалаабыта, онтон политрук буолбута, кыргыһыыларга кыттыбыта. [[1922]] с. ыараханнык бааһыран баран Иркутскайга төннүбүтэ, Иркутскайдааҕы РКП(б) Губкомугар тэрийэр салаа инструкторунан үлэлээбитэ<ref>ОДИН ИЗ ПЕРВЫХ ОРГАНИЗАТОРОВ АКАДЕМИЧЕСКОЙ НАУКИ В ЯКУТИИ, "Наука и техника в Якутии", </ref>.

 

Илиҥҥи омуктар үлэлээн иитиллээччилэрин хомуньуустуу университеттарын (Коммунистический университет трудящихся Востока) бүтэрэн баран А. И. Новгородов Саха сиринээҕи ВКП(б) обкуомугар ыытыллыбыта. Бу [[Москуба]]ҕа үөрэнэр сылларыгар Саха сирин уонна Гражданскай сэрии туһунан бастакы ыстатыйалара тахсыбыттара.

1928 с. бэс ыйыгар Алданнааҕы уокурук кэмитиэтин тэрийэр салаатын сэбиэдиссэйинэн ыыппыттара. 1928 с. сэтинньитигэр иккистээн обкуом чилиэнинэн талбыттара. 1929 тохсунньутугар Алдан уокуругун исполкомун бэрэстээтэлиэн талбыттара, онтон кулун тутарга [[Бүтүн Саха сиринээҕи Сэбиэттэр 6-с сийиэстэрэ|6-с Бүтүн Саха сиринээҕи Сэбиэттэр сийиэстэригэр]] ЦИК чилиэнинэн, ЦИК бэрэстээтэлин солбуйааччытынан уонна Бүтүн сойуустааҕы ВЦИК-ка Саха сириттэн бэрэстэбиитэл быһыытынан талбыттара (бу дуоһунаска 1930 сыл атырдьах ыйын 25 күнүттэн 1931 с. кулун тутар 22 күнүгэр дылы үлэлээбитэ).

 

 

[[1983]] [[атырдьах ыйын 19]] күнүгэр өлбүт, уҥуоҕа [[Москуба]]ҕа Ваганьково кылабыыһатыгар көмүллэ сытар.

 

* [http://igi.ysn.ru/spravochnik.pdf Биобиблиографический справочник]

 

[[Категория:1902 сыллаахха төрөөбүттэр]]

[[Категория:Балаҕан ыйын 4 күнүгэр төрөөбүттэр]]

[[Категория:1983 сыллаахха өлбүттэр]]

[[Категория:Атырдьах ыйын 19 күнүгэр өлбүттэр]]