Нуул: Барыллар ыккардыларынааҕы ураты

Былыргы дьон нуулу билбэттэрэ. Холобур, сайдыылаах [[былыргы гириэктэр]] да, [[былыргы риимлэннэр]] да нуулу [[суот|суокка]] туттубаттара, бэлиэтиир сыыппаралара суоҕа. Сабаҕалааһынн быһыытынан, былыргы [[Вавилон]] олохтоохторо нуулга майгынныыр, кини билиҥҥи сорох функциятын толорор бэлиэни [[ээра|биһиги ээрабыт]] иннинэ 700 сыл ынараа өттүгэр туттар буолбуттар. Маны билэн [[Клавдий Птолемей]] диэн [[Астрономия|астроном]] нуулу эмиэ чыыһыланы чыыһылаттан араарар бэлиэ курдук туттубута, холобур, 45 чыыһыланы 405 чыыһылаттан араарарга. Билиҥҥи [[Миэксикэ]] оннугар баар буола сылдьыбыт [[Маайа цивилизацията]] туһанара биллэр. Аан бастаан нуулу чыыһыла быһыытынан [[628  сыл|628]] сыллааххалаахха [[Ииндийэ]] математига [[Брахмагупта]] киллэрбитинэн ааҕыллар. Арҕаа дойдуларга нуулу алта үйэ ааспытын кэннэ Хотугу Африкаҕа үөскээбит Леонардо Пизанскай — Фибоначчи «аҕалбыта»: [[1202]] сыллаахха «Liber Abaci» диэн кинигэтигэр нуулу ойуулаабыта<ref>Тони Крилли. Математика. 50 идей, о которых нужно знать. Фантом Пресс, 2014, 2015 ISBN 978-5-86471-670-0</ref>.