Джейлан Нури

Ну́ри Бильге́ Джейла́н (туур. Nuri Bilge Ceylan; 1959 сыллаахха төрөөбүт, Турция, Стамбул) — турок омугун биллиилээх киинэ устааччыта, режиссера, киинэ оператора уонна фото худуоһунньуга.

Биографията

Нури Бильге Джейлан 1959 сыллаахха тохсунньу 16 күнүгэр Турция Стамбул куоратыгар Бакыркёй диэн түөлбэтигэр агро инженер М. Эмина Джейлана дьиэ кэргэнигэр төрөөбүт. Кини оҕо сааһа аҕатын төрөөбүт куоратыгар, Турция хотугулуу арҕаа өттүгэр баар Ениджеҕэ, ааспыта.

Нури Бильге Джейлан Стамбул куоракка баар Босфор университетын үөрэнэн бүтэрбитэ. «Электротехника» исписээлинэһин баһылаабыта. Ол кэннэ баҕаран туран Мимар Синан аатынан университекка киинэ ускуустубатын идэтигэр үөрэммитэ. Эдэриттэн хаартыскаҕа түһэриинэн үлүһүйбүтэ, хас даҕаны кылгас кэрчиктээх киинэлэри устубута.

Кини Каннааҕы киинэ бэстибээлин хас даҕаны төгүллээх призера буолар.

2002 сыллаахха «Отчуждение» диэн ааттаах киинэтэ Канн бэстибээлин Гран Притин уонна Бастыҥ эр киһи оруола бирииһин ылбыта. Ол кэннэ устубут уонна онно ойоҕун кытта бэйэтэ оонньообут «Времена года» диэн ааттаах киинэтэ ФИПРЕССИ бирииһигэр тиксибитэ.

2008 сыллаахха Нури Бильге Джейлан эмиэ Канныга «Три обезьяны» киинэтинэн бастыҥ режиссер аатын ылбыта. 2011 сыллаахха «Однажды в Анатолии» киинэтинэн Канн бэстибээлигэр иккис төгүлүн Гран Прины туппута.

2014 сыллаахха аны "Көмүс пальма лабаата" (Золотая пальмовая ветвь), бэстибээлгэ «Зимняя спячка» драматынан кыттан бастыҥ бирииһи ылбыта.

Уус уран ньымата

Джейлан киинэлэрэ үксүгэр автобиографиялыы хабааннаахтар. Режиссёр сотору сотору бэйэтин чугас дьонун, аймахтарын, дьиэтин уотун устуон сөп. Кини устар ньымата Антониони, Бергман, Тарковскай ньымаларыгар майгынныыллар.

Сигэлэр

• Нури Бильге Джейлан (англ.) на сайте Internet Movie Database
• Официальный сайт, включает фотографии
• Интервью с Нури Бильге Джейланом в журнале «Сеанс»
• Интервью с Нури Бильге Джейланов в журнале «Искусство кино»
• Фотогеничность внутренних состояний