Бикипиэдьийэ:Кытыга суох сыһыан
 |
Бу сирэй Бикипиэдьийэ сиэрин-туомун сорҕото. Манна этиллибити бары кыттааччылар толоруохтаахтар. Сирэй уларытыллар буоллаҕына консенсус ирдэбилигэр сөп түбэһиэхтээх. Тугу эмэ саарбахтыыр буоллаххына ырытыы сирэйигэр суруй.
|
 |
Адьас кылгастык: Кытыга суох суруйуу — Бикипиэдьийэ сүрүн сиэрдэриттэн биирдэстэрэ, ыстатыйаҕа ким да диэки буолбакка, бары өрүттэрин тэҥҥэ суруйар куолу.
|
Бикипиэдьийэ:Кытыга суох сыһыан — Бикипиэдьийэ сиэрэ, ыстатыйа ааптара ким да диэки буолбакка, ыстатыйа тиэмэтигэр тус кытыга суох суруйуохтаах.
Ыстатыйаҕа баар санаалар, сыана быһыы, аҥардас кинилэр эрэ дьиҥнээх курдук буолбакка, атын дьон снааларын үһүс сирэйтэн кэпсэниэхтээх. Мантан туорааһын киһи бары билэр чахчыларын ойуулааһыҥҥа эрэ сыһыаннаах буолуон сөп. Холобур, Сир төгүрүк, эбэтэр Өлүөнэ өрүс Лаптевтар муораларыгар түһэр. Ол да буоллар маннык этиилэри суруйарга хааччах эмиэ баар. Холобур, Күн — бөдөҥ эттик, - диир табыллыбат. Тоҕо диэтэххэ тугу кытта тэҥнээтэххэ бөдөҥө чуолкайдамматах.
Ханнык эрэ көстүү эбэтэр түбэлтэ туһунан хас да санаа баар буоллаҕына Бикипиэдьийэ ыстатыйата оннук санаалар баалларын туһунан хайаан да суруйуохтаах. Ол туһунан сиһилии кэпсиир буоллаҕына өссө үчүгэй. Бу санаалартан биирдэстэрин эрэ дьиҥнээх курдук чорботор сатаммат.
Кытыга суох сыһыан (КСС) Бикипиэдьийэ бары салааларыгар үлэлиэхтээх — Джимми Уэйлс этэринэн бу «абсолют уонна ырытыллыбат» ирдэбил[1]