Бикипиэдьийэ:Бастакы хардыылар

Бастаан Бикипиэдьийэҕэ киирбит дьоҥҥо аналлаах сирэй.
Бу бырайыакка кыттаҥҥыт бэйэҕит да улаханнык астыныаххыт, дьоҥно да көмө буолуоххут диэн эрэнэбит

Бастаан киирбит киһи вики-разметкаҕа буккуллааччы, холобур хайдах модьу бичигинэн суруйабын, саҥа строканы хайдах оҥоробун диэн мунаарар түгэннэрэ баар буолааччы. Бу сирэй онно көмө буолуо.

Эрчиллэр сир

Бастатан туран ону маны көннөрөргө үөрэнэргэ, ыстатыйа харатын (черновигын) оҥорорго Тус бэйэ сирэйин оҥоһун. Ону оҥорорго маны баттаа, онтон тахсыбыт түннүккэ "маннык ааттаах саҥа ыстатыйаны суруйуоххун сөп" диэни баттаа, оччоҕо /"Ыстатыйа харата" диэн сирэй оҥоһулуо.

Бу тус бэйэҥ сирэйиҥ. Кини Бикипиэдьийэ сүрүн ыстатыйаларын аатын далыгар киирбэт (статистикаҕа эмиэ). Онон манна тугу баҕарар гыныаххын сөп. Ыстатыйа омоонун суруйуоххун сөп, араас разметка тэриллэрин туһанан эспэримиэн ыытыаххын сөп. Бэйэҥ көҥүлүҥ.

Кэлин наадата суох диэтэххинэ дьаһабылга этэҥҥин соттороор, эбэтэр маннык бэлиэни туруораар: {{Db-owner}}

Разметка туһунан

Ыстатыйаны көннөрөн биэрэргэ Уларыт диэн кыбытыгы (вкладканы) баттанар. Үөһэ баар.

Модьу бичигинэн суруйарга модьуратыахтаах тылгын мышкаҕынан бэлиэтээн (хараардан) баран үөһэ баар тэрил хапталыгар (панель инструментов) бастакы турар "А" буукубаны баттаа.

Саҥа (кыһыл) устуруокаттан саҥа абзааһы саҕалыаххын баҕардаххына абзаастар ыккардыларыгар кураанах устуруоканы кыбыт.

Атын ыстатыйаҕа сигэнээри гыннаххына ол тылгын квадраттыы икки хос ускуопкаҕа угуохтааххын: [[Кыталык]]. Ону судуругутук угарга тылгын хараардан баран тэрил хапталыгар сыап ойуулаах тимэҕи баттаа. Салгыыта өйдөнүө дии саныыбын.

Салаа баһын оҥорорго бас тыллар (салаа аатын) икки өттүнэн икки эбэтэр үс тэҥнэһии бэлиэтин туруораҕын. Маннык === Олоҕун олуктара ===

Суруйан-үлэлээн киирэн бардаххына атын да бэлиэлэри билэн иһиэҕиҥ.

Барытын сатыаҕыҥ диэн эрэнэбит! Харса суох түһүнэн кэбис!

Эбии сигэлэр

Бу ролигы көр: Көмө:1-кы уруок

Өссө маны көр:

• Сахалыы таба суруйуу сиэрэ
• Ыстатыйаны ааттааһын
• Көмө — Бикипиэдьийэ көмөлөһөр матырыйаалларын тиһилигэ
• Кэпсэтэр сир — бикипиэдьийэһиттэр алтыһар сирдэрэ,
• ru:Википедия:ЧАВО — cписок часто задаваемых вопросов,
• Уларытыы устуоруйата
• Бэлиэтэнии
• Дьаһабыллар — дьаһабыллар тиһиктэрэ, кинилэртэн ону-маны ыйытыаххытн сөп.

Бикипиэдьийэни сэргээбит буоллаххына доҕотторгор, аймах-билэ дьоҥҥор кэпсээ!