Безродных Ара Андреевна

Безродных Ара Андреевна — мэдиссиинэ дуоктара, бэрэпиэссэр, Саха АССР билимин үтүөлээх диэйэтэлэ. Кини салалтатынан СГУ мэдиссиинэҕэ факультета билимҥэ бигэ ситиһиилэммитэ, идэни кытта ситимнээх ыарыылары чинчийии киэҥ далааһыннаахтык барбыта.

1931 сыллаахха алтынньы 3 күнүгэр Владивостокка сулууспалаахтар кэргэннэригэр төрөөбүт.

1955 сыллаахха Москубатааҕы бастакы мэдиссиинэ институтун бүтэрбит. Үс сыл №7 поликлиникаҕа учасктковай бырааһынан үлэлээбит. 1961 сыллаахха клиникаҕа старшай лабабараанынан ылбыттар. 1964 сыллаахха «К патогенезу дыхательной недостаточности при хронических токсических бронхитах» диэн тиэмэҕэ хандьыдаат диссэртээссийэтин көмүскээбит. 1975 сыллаахха – «Хронические неспецифические заболевания легких с исходом в пневмосклероз» дуоктар диссэртээссийэтин. 1976 сыллаахха СГУ мэдиссиинэ хаапыдыратын сэбиэдиссэйинэн анаммыт. Кини салалтатынан 1977 сыл ыам ыйыгар өрөспүүбүлүкэҕэ аан бастаан хайа оробуочайдарын туруктарын ыарыыны сэрэтэр соруктаах көрүү саҕаламмыт. 1992 сыллаахха А.А. Безродных көҕүлээһининэн Саха сирин идэни кытта ситимнээх ыарыыларын киинэ аһыллыбыт. 1988 сыллаахха Саха АССР Үрдүкү Сэбиэтин бөрөсүүдьүмүн ыйааҕынан «Саха АССР билимин үтүөлээх диэйэтэлэ» ытык аат иҥэриллибит.