Белоруус тыла

Белоруус тыла (белор. беларуская мова) — үс илин славян тылларыттан биирдэстэрэ, белоруустар национальнай тыллара, сүнньүнэн Беларусь Өрөспүүбүлүкэтигэр тарҕаммыт. Беларусь судаарыстыбаннай тыла (нуучча тылын кытта тэҥҥэ). Бу тылынан барыллаан 7 мөлүйүөн кэриҥэ киһи саҥарар^[1].

Белоруус тыла

Сурук-бичик

Суруйарга кириллица туттуллар. Сүнньүнэн дойду таһыгар туттуллар өссө биир алпаабыт - белоруус латыын алпаабыта (лацінка) баар. Беларуська олорор татаардар белоруустуу арааб алпабыытынан суруйа сылдьыбыттара.

А а	Б б	В в	Г г	Д д	(Дж дж)	(Дз дз)	Е е
Ё ё	Ж ж	З з	І і	Й й	К к	Л л	М м	Н н
О о	П п	Р р	С с	Т т	У у	Ў ў	Ф ф
Х х	Ц ц	Ч ч	Ш ш	Ы ы	Ь ь	Э э	Ю ю	Я я

Быһаарыылар

↑ 2009 сыллаахха Беларуська ыытыллыбыт биэрэпис түмүгүнэн белоруус тылын төрөөбүт тылбыт диэн 4 841 319 белорус уонна 217 015 атын омук ыйбыт (онтон 171 287 киһитэ поляктар). Ону таһынан 1 009 935 белоруус бу тылы иккис тыл быһыытынан көҥүл туттабыт диэбиттэр, эбии 271 778 атын омук киһитэ эмиэ иккис тыл быһыытынан туттабыт диэиттэр (ол иһигэр 181 091 нуучча). Онон, 2009 сыллаахха Белорусь Өрөспүүбүлүкэтигэр 5 058 334 киһи төрөөбүт тылынан белоруус тылын эппит, ону таһынан 1 281 713 киһи бу тылы иккис тыл быһыытынан билэллэр. Онон белоруустуу көҥүл саҥарар дьон ахсаана 6 340 047 киһи. Ону таһынан оскуолаҕа барытыгар үөрэтиллэр буолан Белоруус төрүт олохтоохторо үксэ белоруустуу өйдүүр уонна саҥарар.

Бу аан дойду тылларыттан биирдэстэригэр туһунан сиппэтэх ыстатыйа. Көннөрөн уонна эбэн биэрэн Бикипиэдьийэҕэ көмөлөһүөххүн сөп.

[1] 2009 сыллаахха Беларуська ыытыллыбыт биэрэпис түмүгүнэн белоруус тылын төрөөбүт тылбыт диэн 4 841 319 белорус уонна 217 015 атын омук ыйбыт (онтон 171 287 киһитэ поляктар). Ону таһынан 1 009 935 белоруус бу тылы иккис тыл быһыытынан көҥүл туттабыт диэбиттэр, эбии 271 778 атын омук киһитэ эмиэ иккис тыл быһыытынан туттабыт диэиттэр (ол иһигэр 181 091 нуучча). Онон, 2009 сыллаахха Белорусь Өрөспүүбүлүкэтигэр 5 058 334 киһи төрөөбүт тылынан белоруус тылын эппит, ону таһынан 1 281 713 киһи бу тылы иккис тыл быһыытынан билэллэр. Онон белоруустуу көҥүл саҥарар дьон ахсаана 6 340 047 киһи. Ону таһынан оскуолаҕа барытыгар үөрэтиллэр буолан Белоруус төрүт олохтоохторо үксэ белоруустуу өйдүүр уонна саҥарар.

[1]