Биир күннээх хаһыаттар
Ааспыт (XX-с) үйэ саҥатыгар Саха сиригэр биирдии күннээх хаһыаттар бааллара. Нууччалыы тылынан бэчээттэнэллэрэ.
- «День печати в Якутии». Литературнай, политическай уонна общественнай хаһыат. 1915 сыллаахха ыам ыйын 15 күнүгэр тахсыбыт. Редактор - Е.Г.Олейникова.
- «Братьям-солдатам - в окопы». Революционердар уонна куорат типографиятын рабочайдарын бөлөҕө армияҕа көмелөһен, Дьокуускайга 1917 сыллаахха алтынньы 30 күнүгэр таһаарбыттар. Таһаарааччы - А.С.Царственнай.
- «На борьбу с панами». 1920 сыллаахха от ыйын 12 күнүгэр тахсыбыт. Редактор - Е.Стрелов.
- «Власть Советов». Россия Компартиятын Саха сиринээҕи губернскай бюротун агитационнай хаһыата - 1920 сыллаахха алтынньы 4 күнүгэр.
- «Наш путь». Ыччат Бүтүн Россиятааҕы Коммунистическай Союһун Саха сиринээҕи губернскай бюротун хаһыата - 1921 сыллаахха балаҕан ыйын 4 күнүгэр.
- «Неделя ребенка». 1921 сыллаахха балаҕан ыйын 24 күнүттэн алтынньы 1 күнүгэр диэри Саха сиригэр «Оҕо нэдиэлэтэ» ыытыллыбыта. Ону тэрийэр комиссия таһаарбыта. Ахсаана - 1500 экземпляр. Редактор - Ф.Н.Астраханцев.
- «Крестьянину По-волжья». 1921-1922 сс. хоргуйуунан сибээстээн Саха сирин дьоно Поволжье уобалаһыгар эмиэ көмөлөспүттэрэ. Губернскай комиссия бу анал хаһыата 1921 сыллаахха алтынньы 9 күнүгэр тахсыбыта. Хаһыаты атыылааһынтан киирэр харчы Поволжье олохтоохторугар анаммыта.
- «Красная молодежь». Ыччат союһун Саха сиринээҕи агитационнаи хаһыата - 1921 сыллаахха сэтинньи 7 күнүгэр.
- «Красная Звезда». Кыһыл Армия 4-с сылы-гар аналлаах агитационнай хаһыат - 1922 сыллаахха олунньу 23 күнүгэр.
- «Неделя просвещения». Саха АССР Үорэҕин наркоматын агитационнай хаһыата - 1922 сыллаахха алтынньы 29 күнүгэр.
- «День международной кооперации». «Холбос» Саха сиринээҕи союһун агитационнай хаһыата 1924 сыллаахха от ыйын 5 күнүгэр тахсыбыта.
Ылыллыбыт сирэ
уларыт- В.Л.АЛЕКСЕЕВ. «Периодическая печать Якутии (1887-1930)» диэн Национальнай библиотека бэлэмнээбит үлэтиттэн.