Бикипиэдьийэ:Бикипиэдьийэ туох буолбатаҕый

Бикипиэдьийэ — онлайн-энциклопедия уонна бу энциклопедияны туһалаах, үрдүк таһымнаах гына сатыыр, бэйэ-бэйэни ытыктыырга олоҕурар ситим түмсүү. Онтон бикипиэдьийэ туох буолбатаҕа тахсан кэлэр.

Бикипиэдьийэ туох буолбатаҕый

Бикипиэдьийэ — кумааҕы энциклопедия буолбатах

Бикипиэдьийэ — кумааҕы энциклопедия буолбатах. Ол аата тиэмэтэ да, киэҥэ-куоҥа да экономиялыыр санааттан хааччахтаммат. Хааччаҕа атын — суруллубут хайаан да тургутуллар кыахтаах буолуохтаах уонна атын манна суруллубут киритиэрийдэргэ эппиэттиир буолуохтаах.

Бикипиэдьийэ — тылдьыт буолбатах

Бикипиэдьийэ — тылдьыт да тылы сөпкө туттуу, таба суруйуу ыйынньыга буолбатах. Бикипиэдьийэ ыстатыйалара маннык буолуо суохтаахтар:

1. Тылдьыт быһаарыылара. Сөптөөх быһаарыы — ыстатыйа саҕаланыыта эрэ.

2. Тылдьыт быһаарыыларын тиһигэ. Ол гынан баран Бикипиэдьийэҕэ хас да суолталаах тыллары быһаарар сирэйдэр бааллар.

3. Тылы туттуу, сомоҕо домохтору туттуу ыйынньыга буолбатах. Бикипиэдьийэ тылы, сомоҕо домоҕу туттуу ньымаларын, түбэлтэлэрин быһаарыынан дьарыктаммат. Ол гынан баран сороҕор энциклопедия ыстатыйатын тиэмэтигэр сөп түбэһиннэрэн тыллар өйдөбүллэрин сороҕор быһаарар наада буолар.

Манна аналлаах атылыы бырайыак — биики-тылдьыт баар буолуохтаах. Бу дьиҥнээх тылдьыт. Хата, оҥорорго көмөлөһүҥ.

Бикипиэдьийэ — саҥа идиэйэлэри тарҕатар үстүрүмүөн буолбатах

Бикипиэдьийэ — эн тус бэйэҥ санааҕын, чинчийииҥ түмүгүн уонна урут ханна да бэчээттэммэтэҕи бэчээттиир сир буолбатах. Онон, Бикипиэдьийэни мантан аллара бэриллэри бэчээттииргэ туһаныллыбат:

1. Чинчийии тумүгүн бастаан бэчээттээһин

2. Саҥаны айыы. Саҥа тиэрмини дуу, үҥкүү хамсаныытын дуу, тугу эмэ атыны айбыккын манна угар табыллыбат. Ол айыыҥ туһунан атын сиргэ бэчээттэммитин эрэ кэннэ манна угуллар.

3. Искусствоведение кириитикэтэ. Ускуустуба диэйэтэллэрин туһунан ыстатыйаларга ол дьон айар үлэлэрин анаалыһынан аһара үлүһүйэр табыллыбат.

4. Тус бэйэ блога, күннүгэ. Бикипиэдьийэ киһи-аймах билиитин мунньар, ким эрэ тус санаатын атын дьоҥҥо тиэрдэр анала суох.

5. Буола турар түбэлтэлэр туһунан санаа (бу иннинээҕи пуун иһинэн). Буола турар түбэлтэлэр дьону долгуталлар гынан баран Бикипиэдьийэ ол долгуйбуккун дьоҥҥо кэпсиир, дьону туохха эрэ угуйар трибууна буолбатах.

6. Мөккүһэр фуорум. Бука диэн, бикипиэдьийэ энциклопедия буоларын умнума. Ыырытар сирэйгэ ыстатыйа тиэмэтин ырытыахха сөп, ол гынан баран ол мөккүөрү ыстатыйаҕа бэйэтигэр көһөрөр наадата суох.

7. Сонун кэпсээһин. Бикипиэдьийэ сонун кэпсиир тэрил буолбатах. Онно анаан Биики Сонунннар диэн баар. Сонуннары онно суруй.

Бикипиэдьийэ — трибууна буолбатах

Бикипиэдьийэ — трибууна буолбатах. Онон маннык көҥүллэммэт: 1. Пропаганда уонна тугу эмэ көмүскээһин.

2. Бэйэни арбаныы.

3. Арбааһын (реклаама)

Бикипиэдьийэ — босхо хостинг, блог, ситим провайдера уонна социал ситим буолбатах

Бикипиэдьийэ — Яндекс буолбатах.

Бикипиэдьийэ түмсүүтэ туох буолбатаҕый

Тугу гынаргын билбэт буоллаххына

Ыстатыйаҕа туох эрэ баар эбэтэр суох буолуохтаах дии санаатаххына, бэйэҕиттэн ыйыт, энциклопедияҕа маннык ааттаах ыстатыйаттан дьон тугу кэтэһиэн сөбүй.

Сиэр кэһиллибит дии санаатаххына маннык гын:

• Ыстатыйаны уларыт
• Ыстатыйа иһинээҕитин сотон баран (устуоруйатын хаалларан туран) утаарыы сирэй гын
• Ыстатыйаны соторго төрүөт баар буоллаҕына ол туһунан эт: Бикипиэдьийэ:Ыстатыйалары сотуу.

Тус бэйэҥ кыттааччы быһыытынан сирэйиҥ туох буолбатаҕый

Манна суруллубут сиэрдэр үксүлэрэ ту сирэйгэр эмиэ сыһыаннаахтар. Кини эн тус ситим-сириҥ да, блогуҥ да буолбатах. Кини — Бикипиэдьийэ сорҕото, атын кыттааччылары кытта алтыһарга аналлаах.