Бикипиэдьийэ:Күрэс:Сахалыы Бикипиэдьийэ бигэргэммитэ 9 сыла

2008 сыллаахха бу күн (ыам ыйын 19 күнэ) Сахалыы Бикипиэдьийэ бигэргэммитэ.

Ол иннинэ инкубатор диэн сиргэ тургутуу бырайыак быһыытынан балтараа сыл кэриҥэ үлэлээбитэ.

2008 сылтан туспа домен ылан баччааҥҥа диэри сайда турар. Бу бэлиэ күҥҥэ анаан дьоҕус күрэс ыытабыт.

1 номинация "Саҕалааччыларга" - ким элбэх көннөрүүнү оҥорор эбитий?

2 номинация "Уопуттаахтарга" - ким элбэх ыстатыйаны суруйар эбитий?

Быһаарыы: "Көннөрүү" диэн ханнык баҕарар сүрүн аат далыгар баар ыстатыйаны көннөрүү (урут суруллубут ыстатыйаны тупсарыы, ойуу эбии, саҥа ыстатыйаны саҕалааһын, тугу эрэ сотуу, таба суруйуу алҕаһын көннөрүү уо.д.а.). Саҥа ыстатыйаҕа маннык ирдэбиллэр көрүллэллэр: тиэмэтэ Бикипиэдьийэ сиэригэр хоруйдуохтаах (холобура, "соторго" эбэтэр "түргэнник соторго" диэн халыып туруо суохтаах), ханнык эрэ категорияҕа киирбит буолуохтаах, ыйааһына 1000 баайтан ордук буолуохтаах, саатар биир ис сигэлээх буолуохтаах. Саҕалааччы диэн алта ый иһинэн ыстаастаах кыттааччы, оттон уопуттаах - алта ыйтан ордук.

Болдьоҕо: 2017 сыл ыам ыйын 19 күнүгэр 24 чааска (UTC) диэри.

Бириис: Саҥа таба суруйуу тылдьыта.

Түмүк уларыт

Күрэскэ барыта 24 киһи кытынна. Онтон уона - уруккуттан Бикипиэдьийэҕэ бэлиэтэммит уопуттаах кыттааччылар, 14 - саҥа бэлиэтэммит киһи.

7 саҥа ыстатыйа омооно сурулунна, үс урут суох категория эбилиннэ. Уопуттаахтарга Visem диэн кыттааччы икки ыстатыйаны суруйан бастаата. Саҥа бэлиэтэммиттэргэ - 91.41.249.22 ip-ттан суруйбут киһи бастыан сөп, өскөтө 3 хонук иһигэр бэйэтэ дьаһабылларга билиннэҕинэ уонна суруйбутун дакаастаатаҕына. Ол сатамматаҕына Виктория98 диэн иккис миэстэҕэ сылдьар кыттааччы бастакы миэстэҕэ тахсан биэрэр. Кыайыылаахтарга эҕэрдэ! Салгыы Саха Бикипиэдьийэтэ сайдарыгар айымньылаахтык үлэлии тураргытыгар, чэгиэн-чэбдик буоларгытыгар баҕарабыт!

Маны таһынан саамай элбэх көннөрүүнү оҥорбут Башкиир биикититтэн сылдьар Ләйсән‎ уонна З. ӘЙЛЕ кыттааччылары бэлиэтиибит. Кинилэргэ эбии бириис кинигэ ыытыахпыт. Күрэһи өйөөбүт, элбэх ыстатыйаны тупсарбыт, саҥа категориялары эппит 4 Башкиир биикитин кыттааччыларыгар (ааттаммыт дьонтон ураты биики дьаһабыллара Рөстәм Нурыев, ZUFAr) уонна Каталонияттан сылдьар тыл үөрэхтээҕэ Эктор Алоска (Hectoralos аатынан Каталан тыла диэн ыстатыйаны саҕалаабыт ) истиҥ махталбытын тиэрдэбит!

Кыттыбыт дьоҥҥо барыгытыгар улахан махтал! Маннык кылгас күрэстэри кэлин да ыыта турар буолуохпут. Бириис туруоруон баҕалаахтар дьаһабылларга тахса сылдьыахтарын сөп. --HalanTul (ырытыы) 23:14, 20 Ыам ыйын 2017 (UTC)[хоруй]

Тиһэх түмүк уларыт

Visem бириис оннугар аккырыыкката ыытыҥ диэн көрдөстө. Онон Таба суруйуу тылдьыта аныгыскы күрэскэ бириис быһыытынан туттуллуо. Саҥа саҕалааччыларга 91.41.249.22 ip-лаах киһи биллибэтэҕинэн кыайылааҕынан Виктория98 биллэриллэр. Эҕэрдэ! Кыайыылаах миэхэ суруйаргар эбэтэр эрийэргэр көрдөһөбүн. --HalanTul (ырытыы) 20:34, 8 Бэс ыйын 2017 (UTC)[хоруй]