Бикипиэдьийэ:Марафон «Ийэ тыл»
Кылгастык
уларыт
Суруйуу түмүгүнэн үс саамай дьаныардаах, саамай көхтөөх кыттаачыга бириис биэриллиэ. Бастакы бириис - кыра ноутбук, иккис-үһүс миэстэҕэ - сыаналаах бириистэр. Ону таһынан кыттыбыт дьоҥҥо барыларыгар сэртипикээт уонна кырачаан бэлэх туттарыллыа.
Туох туһунан суруйаргын билбэт буоллаххына. Ыстатыйаны саҕалыырга ханнык баҕарар ыстатыйаҕа киирэҥҥин кыһыл сигэлээх (ссылкалаах) тылы баттаа. Суруйарга ханнык баҕарар итэҕэтиилээх источниктары (улуус хаһыаттарын, ахтыылары, атын омук тылынан суруллубут кинигэлэри, ситим-сирдэри иҥин) туттар көҥүллэнэр.
Күрэс соруга: Бикипиэдьийэҕэ саха тылыгар, атын Саха сирин төрүт омуктарын тылларыгар уонна уопсайынан тылга, тыл үөрэҕэр сыһыаннаах ыстатыйалары элбэтии.
Усулуобуйата
уларытОлунньу 13 күнүттэн (19 чаастан, Дьокуускай кэминэн) саҕалаан 2015 сыл олунньу 21 түүнүгэр (Дьок.кэм. 24 чааска) дылы бу тиэмэҕэ саамай элбэх саҥа ыстатыйаны суруйбут үс кыттааччыга «Ийэ тыл» Биики Марафон кыайыылааҕа диэн ытык аат иҥэриллэр .
Бастакы, иккис уонна үһүс миэстэни ылбыт дьону сыаналаах бириистэр күүтэллэр!
Кыттааччылар — бүрэкирээттэн уонна Саха бикипиэдьийэтин урукку марафоннарыгар бастакы миэстэни ылбыт дьонтон ураты, ханнык баҕарар бэлиэтэммит кыттааччы кыттыан сөп. Бэлиэтэнэ илик буоллаххына билигин бэлиэтэн!
Хас биирдии кыттааччыга — Кыттыбытын иһин Сэртипикээт!!![1]
Болҕойуҥ
уларыт- ↑ Дьокуускайга олорооччулар бириискитин уонна сэртипиэккитин бэйэҕит кэлэн ылаҕыт, аадырыс эбии этиллиэҕэ, оттон атыттар куоракка баар бэрэстэбиитэлгитин ыытыаххытын сөп, бириистэр почтанан ыытыллыбаттар.
Ыстатыйаҕа ирдэбиллэр
уларытБиллэн турар аҕыйах хонук иһигэр соҕотох да үчүгэй, бары өттүнэн толору ыстатыйаны суруйар күчүмэҕэй. Онон үгэс быһыытынан ыстатыйа хаачыстыбатын улаханнык көрө сатыахпыт суоҕа. Ол эрэн булгуччулаах ирдэбиллэр син биир бааллар. Барыта сахалыы буолуохтаах. Саха ураты буукубаларын кодировкатын эргэнэн суруйар, уонна нуучча буукубаларынан солбуйар (холобур Һ буукубаны Ь) көҥүллэнэр (кэнники да көннөрүөххүт диэн эрэнэбит). Кээмэйэ 2000 баайтан ордук буолуохтаах (ол аата кырата 6-7 толору этии кэриҥэ), икки ис сигэттэн итэҕэһэ суох сигэлээх буолуохтаах (суох ыстатыйаҕа сигэммит да буоллун). Источнига ыйыллыыта булгуччу ирдэммэт, ол эрэн сиэр быһыытынан ыйа сатаарыҥ.
Күрэскэ кыттар ыстатыйалар:
- Саҥа суруллубут ыстатыйа Тыл диэн категорияҕа уонна онно киирэр хос категорияҕа киирбит буоллаҕына ааҕыллар.
Ыстатыйа ахсаана тэҥнэһэн таҕыстаҕына, суруйуу сиһилиитэ, истиилэ уонна ыстатыйа атрибууттарын туруоруу (холобур, биикилээһин, ис-тас сигэлэр бааллара), киэргэтии (ойуулааҕа, салааларга арахсара) учуоттанар.
Болдьоҕо
уларытКүрэс Дьокуускай кэминэн Олунньу 13 күнүн киэһэ 19 чааһыттан саҕаланар уонна Олунньу 21 күнүгэр, түүн 24 чааска (эмиэ Дьокуускай кэминэн) түмүктэнэр. Күрэскэ бу болдьох иһигэр суруллубут саҥа ыстатыйалар кытталлар. Кытаатыҥ!!!
- Сүбэ: Урут ыстатыйа суруйбатах буоллаххына маны көр: Бастакы хардыылар, Ыстатыйаны ааттааһын уонна Кыттааччыларга сүбэлэр.
- Иккис сүбэ: Туох туһунан суруйуоххун билбэт буоллаххына «Түбэспиччэ сирэй» диэни баттаа (логотип анныгар), уонна тахсыбыт ыстатыйаны тупсаран биэр. Кыһыл сигэлээх буоллаҕына ол аата итинник ааттаах ыстатыйа баар буолуохтаах эрээри, ким да суруйа илик эбит. Ол кыһыл сигэни баттаан оннук ыстатыйаны саҕалаан кэбис. Марафоҥҥа кыттар ыстатыйалар тугунан эрэ тылга сыһыаннаах буолуохтаахтарын умнума. Холобурга бу категория ыстатыйаларын уонна онно киирэр субкатегориялар ыстатыйаларын көр: Категория:Тыл. Манна эмиэ киирэ сырыт: Саҥа чааһа.
Түмүк
уларытМарафоҥҥа кыттыбыт ыстатыйалар ахсааннарын ханык баҕарар кыттааччы ааҕар бырааптаах. Түмүгү дьаһабыл оҥорор.