Бикипиэдьийэ:Марафон «Харчы»

БП:Marathon 2013-14

Күрэс тохсунньу 7 күнүгэр Дьокуускай кэминэн түүн 24 чааска түмүктэннэ!

Кылгастык

Саҥа дьыл иннинэ биир нэдиэлэ хаалбытыттан саҕалаан, Саҥа дьыл кэнниттэн биир нэдиэлэ тухары үп-харчы туһунан ыстатыйа суруйбуппут. Кыттыбыттарга уруй буоллун! Түмүгү аҕыйах күнүнэн таһаарыахпыт.

Суруйуу түмүгүнэн үс саамай дьаныардаах, саамай көхтөөх кыттаачыга бириис биэриллиэ. Бастакы бириис - субноутбук, иккис-үһүс миэстэҕэ - сыаналаах бириистэр. Ону таһынан кыттыбыт дьоҥҥо барыларыгар сэртипикээт уонна кырачаан бэлэх туттарыллыа.

Туох туһунан суруйаргын билбэт буоллаххына. Ыстатыйаны саҕалыырга ханнык баҕарар ыстатыйаҕа киирэҥҥин кыһыл сигэлээх (ссылкалаах) тылы баттаа. Суруйарга ханнык баҕарар итэҕэтиилээх источниктары (улуус хаһыаттарын, ахтыылары, атын омук тылынан суруллубут кинигэлэри, ситим-сирдэри иҥин) туттар көҥүллэнэр.

Күндү кыттааччылар, кэлэн иһэр Саргылаах Саҥа 2014 дьылынан!

Саҥа дьылы көрсө күрэс биллэриллибитэ. Толору аата "«Харчы» Биики Марафон ".
Күрэс соруга: Бикипиэдьийэҕэ үп-харчы, экономика, бу эйгэҕэ сыһыаннаах дьон уонна тэрилтэлэр тустарынан ыстатыйалары элбэтии.

Усулуобуйата

Ахсынньы 23 түүнүттэн (24 чаастан, Дьокуускай кэминэн) саҕалаан 2014 сыл тохсунньу 7 түүнүгэр (Дьок.кэм. 24 чааска) дылы бу тиэмэҕэ саамай элбэх саҥа ыстатыйаны суруйбут үс кыттааччыга "«Харчы» Биики Марафон кыайыылааҕа" диэн ытык аат иҥэриллэр .

Бастакы миэстэ — Субноутбук!
Иккис миэстэ — сыаналаах бэлэх.
Үһүс миэстэ — сыаналаах бэлэх.

Маны таһынан анал бирииһи Уон тыһыынча нүөмэрдээх ыстатыйаны суруйбут киһи ылыаҕа.

Кыттааччылар — бүрэкирээттэн ураты ханнык баҕарар бэлиэтэммит кыттааччы кыттыан сөп. Бэлиэтэнэ илик буоллаххына билигин бэлиэтэн!

Хас биирдии кыттааччыга — Кыттыбытын иһин Сэртипикээт!!!^[1]

Болҕойуҥ

↑ Дьокуускайга олорооччулар бириискитин уонна сэртипиэккитин бэйэҕит кэлэн ылаҕыт, аадырыс эбии этиллиэҕэ, оттон атыттар куоракка баар бэрэстэбиитэлгитин ыытыаххытын сөп, бириистэр почтанан ыытыллыбаттар.

Ыстатыйаҕа ирдэбиллэр

Биллэн турар аҕыйах хонук иһигэр соҕотох да үчүгэй, бары өттүнэн толору ыстатыйаны суруйар күчүмэҕэй. Онон үгэс быһыытынан ыстатыйа хаачыстыбатын улаханнык көрө сатыахпыт суоҕа. Барыта сахалыы буолуохтаах. Ол эрэн саха буукубаларын кодировкатын эргэнэн суруйар, уонна нуучча буукубаларынан солбуйар (холобур Һ буукубаны Ь) көҥүллэнэр (марафон кэнниттэн көннөрүөххүт диэн эрэнэбит). Кээмэйэ 2000 баайт ыйааһынтан бөдөҥ буолуохтаах (ол аата 6-7 этии кэриҥэ), икки ис сигэттэн итэҕэһэ суох сигэлээх буолуохтаах (суох ыстатыйаҕа сигэммит да буоллун). Источнига ыйыллыыта булгуччу ирдэммэт, ол эрэн сиэр быһыытынан ыйа сатаарыҥ. Күрэскэ кыттар ыстатыйалар:

Саҥа суруллубут ыстатыйа Харчы диэн категорияҕа уонна онно киирэр хос категорияҕа киирбит буоллаҕына — 2 очукуо.
Саҥа суруллубут ыстатыйа ханнык баҕарар бикипиэдьийэҕэ киириэхтээх ыстатыйалар тиһиктэригэр баар буоллаҕына — 2 очукуо.
Саҥа суруллубут ыстатыйа бу ааттаммыт бөлөхтөргө киирбэт буоллаҕына — 1 очукуо.

Ыстатыйа ахсаана тэҥнэһэн таҕыстаҕына, суруйуу сиһилиитэ, истиилэ уонна ыстатыйа атрибууттарын туруоруу (холобур, викификация, ис-тас сигэлэр бааллара), киэргэтии (ойуулааҕа, салааларга арахсара) учуоттанар.

Болдьоҕо

Күрэс Дьокуускай кэминэн ахсынньы 23 күнүн түүн 24 чааһыттан саҕаланар уонна тохсунньу 7 күнүгэр, түүн 24 чааска (эмиэ Дьокуускай кэминэн) түмүктэнэр. Күрэскэ бу болдьох иһигэр суруллубут саҥа ыстатыйалар кытталлар. Кытаатыҥ!!!

Сүбэ: Урут ыстатыйа суруйбатах буоллаххына маны көр: Бастакы хардыылар, Ыстатыйаны ааттааһын уонна Кыттааччыларга сүбэлэр.
Иккис сүбэ: Туох туһунан суруйуоххун билбэт буоллаххына «Түбэспиччэ сирэй» диэни баттаа (логотип анныгар), уонна тахсыбыт ыстатыйаны тупсаран биэр. Кыһыл сигэлээх буоллаҕына ол аата итинник ааттаах ыстатыйа баар буолуохтаах эрээри, ким да суруйа илик эбит. Ол кыһыл сигэни баттаан оннук ыстатыйаны саҕалаан кэбис.

Түмүк

Түмүгү дьаһабыл оҥорор.

Быыһык түмүк

Күрэспит биир номинациятыгар кыайыыны 10 000 нүөмэрдээх ыстатыйаны суруйбут киһи ылыахтаах этэ. Оннук киһи бүгүҥҥү туругунан чуолкайданна диир кыахтаахпыт. Кыайыылаах буолла — Кыттааччы:Ykt www. Эҕэрдэ! Күрэс атын түмүктэрин (саамай элбэх ыстатыйаны суруйбут киһини, уонна иккис-үһүс буолбут дьону) хойутуу, ааҕан-суоттаан баран таһаарыахпыт.

Тиһэх түмүк

Дьэ, доҕоттоор, ааҕан-ааҕан баран маннык түмүккэ кэллим уонна ону атын хас да уопуттаах кыттааччыга бигэргэттэрдим:

Уопсайа 378 саҥа ыстатыйа сурулунна. 25 киһи күрэскэ кытынна.

Бастакы миэстэ. Атыттары ырааҕынан хаалларан икки кыттааччы буоллулар. Ykt www уонна Soppuruon.
Иккис миэстэни дьоһун кылааты киллэрэн уопуттаах кыттааччыбыт Egerman ылла.
Үһүс миэстэҕэ саҥа кыттааччы Анаабыр таҕыста.

Бары кыттыбыт дьоммутугар махтал буоллун! Кыайбыттарга эҕэрдэ!

Айар санааҕыт күөх ача курдук анньа турдун! --HalanTul (ырытыы) 06:32, 16 Тохсунньу 2014 (UTC)[хоруй]

Бириистэри туттарыы туһунан эбии биллэриэхпит. --HalanTul (ырытыы) 06:39, 16 Тохсунньу 2014 (UTC)[хоруй]

Күрэскэ кыттыбыт дьон толору тиһигэ.

Релизтэр

Пресс-релиз суруйарга кыттыҥ.

[1] Дьокуускайга олорооччулар бириискитин уонна сэртипиэккитин бэйэҕит кэлэн ылаҕыт, аадырыс эбии этиллиэҕэ, оттон атыттар куоракка баар бэрэстэбиитэлгитин ыытыаххытын сөп, бириистэр почтанан ыытыллыбаттар.

[1]