Бикипиэдьийэ:Сирдьит/Арбааһын
| Суолта |
|---|
|
Туох эрэ эбэтэр ким эрэ туһунан бэчээккэ элбэхтэ суруллубут буоллаҕына, ол кини суолталааҕын туоһулуон сөп. |
| — Бикипиэдьийэ:Суолта |
Сирдьити туттарыҥ иһин махталбытын биллэрэбит!
Өскөтө Эн суруйар ыстатыйаҥ эбийиэгин кытта ыкса ситимнээх буоллаххына сорук утарыта турсуута (мөккүөрэ) үөскүөн сөп. Онон кытыга суох сыһыаннаах, аҥар кырыытыттан арбаабат, үчүгэй энциклопедия ыстатыйатын суруйарыҥ күчүмэҕэй буолуон сөп. Ону таһынан, ыстатыйаҥ арбааһыҥҥа (эрэкилээмэҕэ) майгынныыр эбэтэр солута киритиэрийдэригэр хоруйдаабат түгэнигэр сотору сотуллан хаалыан сөп.
- Соруккун уларыт. Бикипиэдьийэ — табаары, өҥөнү, ситим-сири тарҕатар сир буолбатах. Өскөтө наһаа үчүгэй бородууксуйа туһунан кэпсээри гынар буоллаххына, манна алҕас киирбиккин.
- Тус бэйэҥ табаарыҥ дуу, өҥөҥ дуу, ситим-сириҥ дуу туһунан суруйума. Үксүгэр киһи бэйэтин айымньытын туһунан суруйар баҕата ол айымньыны ким да билэ илигиттэн күөдьүйэр. Ол иһин сорук утарыта турсуута үөскүүр, оттон оннук ыстатыйа сотуллар. Бикипиэдьийэҕэ, кырдьык, дьон биһирээбит араас табаардарын, өҥөлөрүн, ситим-сирдэрин тустарынан ыстатыйалар бааллар, ол эрээри манна олору арбыыр сир буолбатах, арбыыр — сатаммат.