Манна Бикипиэдьийэ сиэрин сахалыы суруллуохтаах. Ким кыахтаах көмөлөһүҥ

Бикипиэдьийэ сүрүн майгыларыттан биирдэстэрэ маннык: суруллар матырыйаал ааптар тус санаатын көрдөрүө суохтаах. Ол аата Бикипиэдьийэ бу маннык сөп, маннык сыыһа дииргэ кыттыспат, мөккүөрдээх түгэннэргэ ким да диэки буолбат. Оннук мөккүөрдээх түгэн баар буолар буоллаҕына өрүттэр санааларын, туоһуларын барытын суруйуллуохтаах. Ханнык эрэ этии бүтэһиктээх кырдьык курдук сулумах биэриллибэккэ, булгуччу ким эрэ үһүс эппитин туоһулаан туран көрдөрүллүөхтээх. Арай киһи бары билэр чахчылара, эбэтэр билиминэн дакаастаммыт чахчылар эрэ оннук илэ-чуо суруллуохтарын сөп. Холобур, "Дьокуускай куорат Өлүөнэ кытылыгар турар", эбэтэр "Күн тыгар". Бу туһунан сиһилии манна көрүөххүн сөп: Википедия: Нейтральная точка зрения (Кытыга суох сыһыан, нууччалыы)

Сахалыы таба суруйуу быраабылалара — бу билигин саха грамматикатыгар туттуллар официальнай дөкүмүөн. 2001 сыллаахха ылыныллыбыт буолан оскуолаҕа үөрэппикитинээҕэр арыый атын буолуон сөп. Киирэн билсиҥ.

Үйэ (век) уларыт

Аан дойду устуоруйатын суруйууларыгар үйэни ириим (римскэй) сыыппараларынан суруйаллар. Биһиги Бикипиэдьийэбитигэр эмиэ ону тутуһабыт. Холобур: XI ү. — уон биирис үйэ, XIX ү. — уон тохсус үйэ. Суруйарга латыынныы клавиатура аттарыытынан, ааҥыл (эбэтэр ньиэмэс, боронсуус) алпаабытын I,V,X улахан буукубаларынан суруллар.


Бичик (шрифт) Бикипиэдьийэҕэ хайдах суруллара уларыт

Модьу-таҕа бичиги (жирный шрифт, bold) элбэхтик туһанартан туттуна сатааҥ. Быһаарар тиэрмиҥҥитин эрэ ыстатыйа саҕаланыытыгар модьуратан көрдөрүҥ, атын информацияны уратылаах көрдөрүөххүтүн баҕардаххытына иҥнэри бичиги (наклонный шрифт, italic) туһаныҥ. Подзаголовоктары маннык бэлиэтээҥ:

== Үйэ (век) == (икки өттүттэн иккилии тэҥнэһии бэлиэтэ)

эбэтэр маннык:

=== Сыллар ===

эбэтэр:

==== Хонуктар ====


Эбии маны көр уларыт