Бикипиэдьийэ:Тэриллэр/Кэтэбил тиһигэ

Кэтэбил тиһигэ (Список наблюдения, Watching pages) ханнык баҕарар Бикипиэдьийэҕэ бэлиэтэммит кыттааччы кэтиир сирэйдэрин тиһигэ, манна кэтэнэр сирэйдэр (уонна кинилэри кытта ситимнээх сирэй ырытыыларын) бүтэһик уларытыылара аптамаатынан оҥоһуллан тиһиллэр. Онон бу кэтэбил тиһигин көмөтүнэн киһи бэйэтэ айбыт эбэтэр сэргиир сирэйдэрин ким уонна хайдах уларытарын көрө-билэ сылдьыан сөп.

Көннөрү тиһик биир бырайыакка оҥоһуллар уларыйыылары кэтииргэ аналлаах (ол аата сахалыы Бикипиэдьийэ тиһигэ бу эрэ салааҕа оҥоһуллубут уларыйыылары көрдөрөр). Ол гынан баран өссө кэтэбил «мульти-биики»-тиһигэ диэн баар, манна http://tools.wikimedia.de/~luxo/gwatch/, кини көмөтүнэн Викимедиа ханнык баҕарар бырайыагын биир тиһиккэ киллэрэн кэтээн көрүөххэ сөп.

Кэтэнэр сирэйдэри салайыы

Кэтэбил тиһиккэ киирэр сирэйдэри 3 ньыманан уларыталлар:

1. Сирэйи көрө олорон сирэй үөһээ өттүгэр баар «кэтииргэ» эбэтэр «кэтээмэ» кыбытыгы баттаа. Саҥа интерфеска ол кыбытык оннугар халлаан күөҕэ сулус ойуута баар, ону баттаатаххына сирэй кэтиир сирэйдэр ахсааннарыгар киирэр эбэтэр урут киирэ сылдьыбыт буоллаҕына - ол тиһиктэн сотуллар.
2. Ыстатыйаны көннөрө олорон «Бу сирэйи кэтээн көрөргө» диэн эрэдээксийэлиир түннүк анныгар баар сурук таһынааҕы «чыычааҕы» туруор эбэтэр ылан кэбис.
3. Кэтэбил тиһигин үөһээ өттүгэр баар «Тиһиги көрөргө/уларытарга» эбэтэр «Тиэкис курдук уларытарга» диэн сигэлэри баттаан, тиһиги быһа көрүөххэ эбэтэр уларытыахха сөп. Бастакы опция «Кэтэбил тиһигин уларытыы» диэҥҥэ тиэрдэр, онно кэтэнэр сирэйдэр чекбокстардаах тиһиктэрэ баар. Иккис «Кэтэбил „сиикэй“ тиһигин уларытыы» диэҥҥэ тиэрдэр, онно тиһик аат далларынан уонна алпаабытынан наардаммыт тиэкис быһыытынан көстөр. Онно баар тиһиги быһа уларытыахха сөп, эбэтэр тас эрэдээктэргэ хатылаан ылан уларытыахха сөп. Дубликааттар сирэйи бигэргэтэргэ аптамаатынан сотуллаллар.

Бэйэҥ туруорууларыҥ «Кэтэбил тиһигэ» диэн кыбытыгар «Мин уларыппыт сирэйдэрбин кэтэбил тиһигэр киллэрэн ис» диэни таллаххына, «Бу сирэйи кэтээн көрөргө» диэн флажок куруук холбоно сылдьыа. Онно майгынныыр туруоруулар: «Мин айбыт сирэйдэрбин кэтэбил тиһигэр киллэрэн ис», «Мин көһөрбүт сирэйдэрбин кэтэбил тиһигэр киллэрэн ис», уонна (дьаһабылларга аналлаах) «Мин соппут сирэйдэрбин кэтэбил тиһигэр киллэрэн ис».