Бойдар

Бойдар (Boii) — кельт биис-уустара. Сорохторо б.э. инн. V - VI үйэлэргэ лингонноары кытта холбоһон Галлияҕа сэриинэн киирбиттэрэ, Аппенин хайаларын тэллэҕэр баар хаптал сири (Пьяченцаттан Романьяҕа дылы) этрускалартан уонна умбрдартан былдьаабыттара, этрускалар урукку куораттарын Фельсинаны Бонония (билигин Болонья) диэн ааттаабыттара.

Бойдар риимнэри кытта б.э. инн. 283—282 сылларга этрускалар өттүлэригэр, онтон 238—224 сылларга — кельтар өттүлэригэр сэриилэспиттэрэ. Хотторон баран Цезарь көҥүллээһининэн эдуйдар сирдэригэр (билиҥҥи Бургонь уонна Ниверна) олохсуйбуттара. Богемияҕа (билигин Чехия, (Boiohaemum — «бойдар ийэ сирдэрэ») хаалбыт бойдар сирдэрин Тис өрүскэ дылы кэҥэппиттэрэ, ол эрэн кэлин даактартан хотторон Дунаай уҥа кытылыгар көспүттэрэ. Онно Паннонияҕа, билиҥҥи арҕаа Венгрияҕа, илин Австрияҕа уонна сорҕолоро Словенияҕа, Сербияҕа олохсуйбуттара.

Бойдар тустарынан суруйуулар риим источниктарыгар Чехияҕа маркомааннар I үйэ бүтүүтүгэр олохсуйбуттарын кэннэ сүтэллэр.