Бранли музейа

Бранли музейа, эбэтэр Аан дойду норуоттарын музея (фр. Le musée du quai Branly) — Африка, Азия, Океания уонна Америка төрүт норуоттарын оҥоһуктара мунньуллубут сирэ.

Франция президена Ширак этиитинэн 2006 сыл бэс ыйыгар аһыллыбыта. Музей французтуу аата турар сиринэн — Сена кытылыгар Бранли диэн набережнай аатынан. Сена өрүс хаҥас кытылыгар Эйфель башнятын анныгар турар. Музей таһыгар хас да аатырбыт музей комплекстара бааллар: Лувр, Орси музейа (Musée d’Orsay), Улахан уонна Кыра диэн ааттанар дыбарыастар (Grand et Petit Palais), Токио дыбарыаһа уонна современнай искусство музейа (Musée d’art moderne de la Ville de Paris). Дьиэтин аатырбыт француз архитектор Жан Нувель бырайыактаабыт.

Музей саайтыгар киирэн виртуальнай экскурсия оҥоруохха сөп.

Музей саҥалыы үлэлиир: музей да курдук, үөрэтэр-иитэр уонна научнай киин быһыытынан да, уонна өссө кулууп курдук үлэлиир. Музейга араас хабааннаах тэрээһиннэр ыытыллаллар.

Музей фондатыгар 300 тыһыынча искусство оҥоһуктара уурулла сыталлар, ол гынан баран сүрүн дьиэтигэр 3500 экспонат көрдөрүүгэ турар. Экспонаттар география принцибинэн наардаммыттар: Африка, Азия, Океания уонна Америка.

Сигэлэр

• Музей саайта
• [1]