Гепатиты утары охсуһуу күнэ

Гепатиты утары охсуһуу күнэ — сылын ахсын от ыйын 28 күнүгэр бэлиэтэнэр, сыстыганнаах гепатит (A, B, C, D уонна E) туһунан дьон билэллэригэр, харыстаналларыгар туһуланар. Аан дойдуга мөлүйүөнүнэн киһи ыалдьар, сыл аайы сыстыганнаах гепатиттартан сылтаан 1,34 мөлүйүөн киһи өлөр. Гепатит диэн быар ыарыыта. Сорох дойдуларга гепатит B быар цирроһун саамай элбэх төрүөтүнэн буолар, ону таһынан бу ыарыттан сылтаан киһи быар раагынан (гепатокарцинома) ыалдьыан сөп.

Гепатиты утары охсуһуу аан дойдутааҕы күнэ аан дойдуга ВОЗ көҕүлээһининэн бэлиэтэнэр 11 күнтэн биирдэстэрэ: Чөл турук аан дойдутааҕы күнэ, Шагас ыарыытын аан дойдутааҕы күнэ, Хаан дуонарын күнэ, Кумахыны утары охсуһуу күнэ, Иммунизация аан дойдутааҕы нэдиэлэтэ, Сэллиги утары охсуһуу күнэ, Табаҕа суох күн, Пациеннар куттала суох буолууларын аан дойдутааҕы күнэ, Микробтары утары эмтэр тустарынан билии нэдиэлэтэ уонна СПИД-ы кытта охсуһуу аан дойдутааҕы күнэ.