Гражданскай көмүскэнии аан дойдутааҕы күнэ

Гражданскай көмүскэнии аан дойдутааҕы күнэ — Гражданскай көмүскэнии аан дойдутааҕы тэрилтэтин көҕүлээһининэн сылын ахсын кулун тутар 1 күнүгэр бэлиэтэнэр. Нэһилиэнньэни, баайы-дуолу уонна тулалыыр эйгэни дьалхаан кэмигэр көмүскүүргэ бэлэм буолууга болҕомто тардарга аналлаах.

Гражданскай көмүскэнии аан дойдутааҕы тэрилтэтин (нууч. Международная организация гражданской обороны) IX генеральнай ассамблеятын быһаарыытынан бэлиэтэнэр. Бу күн 1972 сыллаахха тэрилтэ конституцията олоххо киирбит. 2012 сыллаахха бу күн Гражданскай көүскэнии аан дойдутааҕы тэрилтэтин 40 сыллаах үбүлүөйэ киэҥник бэлиэтэммитэ.