Дмитриев Ахмет Андреевич

Дмитриев Ахмет Андреевич — Саха суруйааччыта уонна бөлүһүөгэ, Саха Өрөспүүбүлүкэтин үөрэҕириитин туйгуна, Саха Өрөспүүбүлүкэтин суруйааччыларын сойууһун чилиэнэ.

Олоҕун олуктара

1951 сыллаахха Ньурба улууһун Мэгэдьэк нэһилиэгин Мохсоҕол аҕатын ууһугар төрөөбүтэ. Төрүт Бордоҥ. Ньурба улууһуттан 12-с сүһүөх утум.

Маҥнай Бүлүүтээҕи педучилищены, онтон Саха Государственнай Университетын (Хотугулуу-Илин Федеральнай Университет) Историко-Филологическэй факультетын Саха салаатын бүтэрбитэ.

Поэзияҕа, публицистикаҕа Ньурба улууһун историятыгар бэлиэ кинигэлэрдээх.

Кэргэннээх, уон оҕолоох.

Айар үлэтэ

Саха сирин историятын үөрэтиигэ биир улахан кылаата «Сунтаар былыргыта: бордоҥхой таҥаралаах бордоҥнор» диэн фольклор, история уонна генеалогия чэрчитинэн 2015 сыллаахха тахсыбыт кинигэтэ буолар.

Билигин Саха норуота төрүт былыргыттан, ол эбэтэр, өссө Биһиги Эрабыт быдан инниттэн күн бүгүнүгэр дылы кэлбит уһун олоҕун толору дириҥник үөрэтэн уонна сиһилии чинчийэн көрбүт үлэтин үс томнаах кинигэ гынан таһаара сылдьар, онто бастакыта бэчээттэммитэ, уоннааҕылара сотору кэминэн эмиэ тахсыахтара.

Кинигэлэрэ:

• Дмитриев А.А. Күөх Ньурба төрүттэрэ: (Түлүөн ууhа – бордоннор). – Дьокуускай: Компания «Дани Алмас», 2013. – 428 с.
• Дмитриев А.А. Туомтуу баайыы. – Якутск: Кн. изд-во, 1985. – 20 с. (серия «Чэчирдэр»).
• Дмитриев А.Г. Улуу Москва көмүскэлигэр. Защищая Москву. - Бичик, 2010. – 72 с.

Билинии

• Саха Республикатын президенын Дьиэ кэргэҥҥэ комитетын «Бастыҥ аҕа» үрүҥ көмүс бэлиэлээх.
• Саха Республикатын Госкомспордун көҥүл тустуу сайдыытыгар үтүөлэрин иһин бэлиэлээх.
• Саха Республикатын Ил Түмэнин Республика социальнай олоҕор кылаатын иһин Бочуот грамоталаах.