Дмитрий Иванович Донской
Дми́трий Ива́нович (был.-нууч. Дмитрей Ивановичь[1]; алтынньы 12 1350, Москуба — ыам ыйын 19 1389, Москуба), Куликово кыргыһыытыгар кыайыытын иһин Донской диэн ааттаммыт — Москуба кинээһэ (1359) сылтан, Владимир улуу кинээһэ (1363 сылтан). Иван II Кыһыл иккис ойоҕуттан Александра Ивановнаттан уола.
Дмитрий салайар кэмигэр Москуба княжествота нуучча сирдэрин бэйэтин тула түмэр кииннэртэн биирдэрэ буолбута, Владимир улуу княжествота Москуба кинээстэрин нэһилиэстибэннэн бэриллэр сирдэрэ буолбута, ол эрээри Тверь уонна Смоленскай княжестволара Москуба дьайыытыттан тахсыбыттара. Алтан Ордуу сэриилэрин иккитэ кыайбыта эрээри Нуучча улууһа Монгуол судаарыстыбатыттан тахсыбатаҕа, Куликово кыргыһыытын кэнниттэн өссө да биир үйэ тухары түһээн төлүү олорбута. Маны таһынан Москубаҕа кини кэмигэр таас кремль тутуллубута[2].
Олоҕун олуктара уларыт
1359 сыллаахха аҕата Кыһыл Уйбаан өлбүтүн кэннэ Дмитрий 9 сааһыгар кинээс буолбута. Кыра эрдэҕинэ Москуба княжествотын кини оннугар Алексий (Алексей Федорович Бяконт) митрополит салайбыта. Кыһыл Уйбаан аҕатыттан Иван Калитааттан ылбыт сирдэрин икки уолугар хаалларбыта, ол сирдэри инитэ Семен кыра эрдэҕинэ өлбүтүн кэннэ Дмитрий тутан хаалбыта[3][4].
Быһаарыылар уларыт
- ↑ Задонщина(суох сигэ — история). Тургутулунна 15 Муус устар 2013. Төрүт сириттэн архыыптанна 16 Тохсунньу 2013.
- ↑ «Слово о житии и о преставлении великого князя Дмитрия Ивановича, царя Русского»
- ↑ Духовная грамота великого князя Ивана Ивановича
- ↑ Духовная грамота великого князя Ивана Даниловича Калиты