Дудкин Петр Иванович

(Мантан: Дуткин Петр Иванович көстө)

Дудкин Петр Иванович (04.01.1910—1973) — Иккис Аан дойду сэриитин кыттыылааҕа, полковник, Өрөспүүбүлүкэ сибээһин өр сылларга салайбыт киһи, Социалистыы Үлэ Дьоруойа.

Олоҕун олуктараУларыт

1910 сыллаахха тохсунньу 4 күнүгэр Өлүөхүмэ Нохтуйа сэлиэнньэтигэр төрөөбүт.

1923 сыллаахха 13 саастааҕар телеграфка үлэлии киирбит.

1941 сылтан 1946 сыллаахха диэри аармыйаҕа сулууспалаабыт. II Ударнай Аармыйа парторга буолбут, сэриини полковник сыбаанньалаах түмүктээбит.

Сэрииттэн кэлэн баран Саха АССР сибээһин управлениетыгар начаалынньыгынан анаммыт уонна 1951 сыллаахха диэри үлэлээбит. Онтон Саха АССР Миниистирдэрин сэбиэтин бэрэстээтэлин солбуйааччытынан анаммыт.

1955 сылтан урукку үлэтигэр төннөн 1973 сыллаахха өлүөр диэри өрөспүүбүлүкэ сибээһин салайбыт.


Наҕараадалара уонна ытык ааттараУларыт

  • 1964 сыллаахха «САССР сибээһин үтүөлээх үлэһитэ» буолар, сыл буолан баран - «САССР норуотун хаһаайыстыбатын үтүөлээх үлэһитэ». 1966 с. Ленин уордьанынан наҕараадаламмыт.
  • Социалистическай Үлэ Дьоруойа аат 1971 сыллаахха иҥэриллибит, иккис Ленин уордьанын ылбыт[1] (1971)

1944 сыллаахха «Аҕа дойду сэриитин» 2 истиэпэннээх уордьанынан наҕараадаламмыт.

Дудкиҥҥа анаммыт өйдөбүнньүк «Сахателеком» сүрүн офиһын дьиэтигэр ыйанан турар. Ааптар – биллиилээх скульптор Егор Оготоев.

Эбии маны көрУларыт

Социалистическай Үлэ Геройдарын тиһигэ (Саха Сирэ)

БыһаарыыларУларыт

СигэлэрУларыт