Неймохов Егор Петрович
Неймохов Егор Петрович (30.03.1950—25.06.2011) — саха народнай суруйааччыта.
Олоҕун олуктара
уларыт- 1950 сыллаахха кулун тутар 30 күнүгэр Томпо оройуонугар Мэҥэ Алдан нэһилиэгэр колхозтаах дьиэ кэргэҥҥэ төрөөбүт.
- 1973 сыллаахха Саха государственнай университет историко-филологическай факультетын бүтэрбит.
- 1991 с. — Саха Өрөспүүбүлүкэтин суруйааччыларын Сойууһун чилиэнэ.
- Үлэлээбит сирдэрэ:
- «Эдэр коммунист» хаһыат редакцията, корреспондент
- Тыл, литература уонна история Института, лаборант
- «Хотугу сулус» сурунаал редакцията, салаа сэбиэдиссэйэ, главнай редактор солбуйааччыта
- ССКП обкомун аппарата, культура салаатын инструктора
- «Аргыс» сурунаал, главнай редактор
- «Айсберг» сурунаал, главнай редактор
- Саха государственнай университета, доцент
- Саха Өрөспүүбүлүкэтин Президенын иһинэн государственнай наҕараадаларга Комиссия, эппиэтээх секретарь
- «Саха сирэ» хаһыат редакцията, салаа редактора
- Саха Сирин Санкт-Петербург куоракка представительствота
- Саха Өрөспүүбүлүкэтин суруйааччыларын Сойууһун бырабылыанньата, бэрэссэдээтэл
- 2011 сыллаахха бэс ыйын 25 күнүгэр ыалдьан өлбүт.
Айар үлэтэ
уларытАйымньылара 1975 сылтан бэчээттэммиттэрэ. Бастакы кинигэтэ, Д. Эверстовы кытта кыттыһан суруйуута, «Жизнь, посвященная борьбе» 1980 сыллаахха күн сирин көрбүт.
Егор Неймохов хас да киэҥник биллибит киинэлэр сценарийдарын суруйбута — «Хара Мааска», «Ильмень күөл үрдүгэр туруйалар», о.д.а. Сорох айымньыларынан тыйаатырдар испэктээкиллэри туруорбуттара: «Хапсыһыы», «Сайсары күөлгэ түбэлтэ» — П. А. Ойуунускай аатынан Саха академическай тыйаатырыгар, о. д. а.
Айымньыларын геройдара — сүнньүнэн аныгы дьоннор, артыыстар, ырыаһыттар, суруйааччылар, спортсменнар, суут-прокуратура үлэһиттэрэ уонна саха ыччаттара[1].
Киэҥ биһирэбили ылбыт айымньыта — «Схватка» (1983) сэһэн.
Кини сценарийынан «Черная маска» уонна «Журавли над Ильменем» диэн киинэлэр уһуллубуттар.
Нууччалыы, атын да омуктар тылларыгар тылбаастаммыт айымньылардаах. Саха тылыгар нуучча суруйааччыта Ю. Сергеев «Царская охота» кинигэтин тылбаастаабыт.
Наҕараадалара уонна ытык ааттара
уларыт- Саха норуодунай суруйааччыта
- Саха комсомолун бириэмийэтин лауреата
- П. А. Ойуунускай аатынан государственнай бириэмийэ лауреата
- Саха Өрөспүүбүлүкэтин культуратын үтүөлээх үлэһитэ
- Томпо улууһун ытык киһитэ[2]
Аатын үйэтитии
уларыт- М. К. Аммосов аатынан Хотугулуу-Илин федеральнай университет Учуонай сүбэтэ тыл уонна омуктар культураларын Институтун бастыҥ студеннарыгар анаан Е. П. Неймохов анал ааттаах стипендиятын олохтообут[3]
Быһаарыылар
уларыт- ↑ http://www.kyym.ru/index.php?option=com_content&view=article&id=4231:2011-07-10-14-02-29&catid=46:jon&Itemid=70 Эмиэ ыар сүтүктэннибит. С. Руфов
- ↑ Официальный информационный портал Республики Саха (Якутия):Почетные граждане Томпонского улуса Архыыптаммыт 2012, Бэс ыйын 27 күнүгэр.
- ↑ ЯСИА 12.04.2013:Первый обладатель стипендии имени Егора Неймохова - студентка ИЯКН СВФУ Любовь Уарова Архыыптаммыт 2013, Ыам ыйын 30 күнүгэр.
Өссө маны көр
уларытСигэлэр
уларыт