ЗамбезиАфрика Индийскэй акыйааҥҥа түһэр өрүстэриттэн саамай бөдөҥнөрө. Онно аан дойду биир саамай бөдөҥ күрүлгэнэ — Виктория баар. Өрүс кэтит сүүрээнинэн (1800 м) 120 м үрдүктээх модьоҕоттон туора быһан сытар кыараҕас хапчааҥҥа түһэр. Күрүлгэн күрүлүү ньиргийэр тыаһа элбэх километртан иһиллэр. Түһэр күүһүгэр бырдаҥалаан, уу сүүһүнэн метр үрдүктээх сүүнэ остуолбалары ыһан таһаартыыр. Онтон тыган, күн сардаҥата араас өҥнөөх кустук буолар. Олохтоохтор күрүлгэни “ньирилиир буруо" диэн ааттыыллар. Күрүлгэн алын өттүгэр элбэх быһыт, гидроэлектростанция, водохранилище оҥоһуллубута.

ЛитератураУларыт

  • Коринская В. А. География: Материктар, акыйааннар географиялара: Орто оскуола 7 кылааһын учебнига. — Дьокуускай: Бичик, 1997.