Индигиир (өрүс)

Индигиир өрүс. Саха сирин хотугулуу-илин диэки биир улахан өрүһэ буолар. Уһуна 1726 км., тардыытын иэнэ 360 000 км².

Индигиир өрүс
Индигир өрүс Муома сиһи быһа охсон Абый намталыгар киирэр
Ханна түһэрий	Илин Сибиирдээҕи байҕал
Тардыытын дойдута	Арассыыйа, Саха сирэ
Уһуна	1,726 km
Орто түһэрэр уута	сөкүүндэҕэ 428 m³ (Уус Ньара)
Бассейнын иэнэ	360,000 km²
ГВР	18050000112117700035295

Баһа Ханкаан сис эниэтигэр Хаастаах уонна Тарыҥ Үрэх холбоһууларыттан саҕаланар. Илин Сибиирдээҕи байҕалга түһэр.

Үөһээ сүүрээнэ Өймөкөөн үрдэлинэн устар. Черскэй хайаларын кыараҕас хочонон быһа охсор. Бу сиргэ таас харгы дэлэй.

Муома өрүс түһүөн иннинэ Муома Силээннээх намталга киирэр. Төрдүттэн 130 км. сиртэн 5500 км² иэннээх дельтата саҕаланар.

Уус Ньараҕа уу орто ороскуота сөкүүндэҕэ 428 м³ тэҥнэһэр, ордук улаатар кэмигэр 10600 м³ тиийэр. Алтынньыттан ыам ыйыгар диэри, аллараа сүүрээнигэр бэс ыйын саҥатыгар диэри тоҥ.

Тардыытыгар 125000 өрүс уонна үрэх, 80000 күөл бааллар. Сүрүн салааларынан буолаллар: уҥа Силээннээх, Уйаандьы; хаҥас Ньара, Муома, Бадьаариха.

Аал сырыыта төрдүттэн 1086 км. Бириистэннэр Чокуурдаах, Хонуу, Үрүҥ Хайа.

Ылыллыбыт сирэ

Якутская АССР, словарь-справочник, Якутск, 1980 г.