Кларов Николай Николаевич

• Аҕа дойду Улуу сэриитин сылларыгар Сунтаар оройуонун "Сталин суола" хаһыатын эппиэттиир сэкиритээрэ (1916-1945)

олоҕун оҥкула

Кларов Николай Николаевич 1916 сыллаахха Арыылаах нэhилиэгэр Сунтаар оройуонугар орто бааhынай кэргэнигэр төрөөбүтэ. Кини 1924 сыллаахха тулаайах хаалбыта уонна убайа Кларов Прокопий Николаевич көмөтүнэн 1930 сыллаахха Тойбохой начальнай оскуолатын, 1934 сыллаахха Сунтаар колхознай ыччат оскуолатын, 1937 сыллаахха Бүлүү куоратыгар Н.Г. Чернышевскай аатынан учуутал техникумун туйгуннук бүтэрбитэ.

Кларов Николай Николаевич үс сыл толорута суох орто оскуола учууталынан, биир сыл үөрэх чааhын сэбиэдиссэйинэн, икки сыл устатыгар судаарыстыба харысхалын наркоматын Сунтаардааҕы отделениетыгар оперативнай уполномоченнайынан, онтон икки сыл устатыгар оройуоннааҕы «Сталин суола» хаhыат эппиэтиир эрэдээктэринэн үлэлээбитэ.

1936 сыллаахха Бүлүүтээҕи учуутал техникумугар устудьуоннуу сылдьан ыччат бүтүн союзтааҕы Ленинскэй коммунистическай союhугар чилиэнинэн, 1942 сыллаахха БСК(б)п чилиэнинэн киирбитэ.

1945 сыл балаҕан ыйын 29 күнүгэр киэhээ 9 чаас 45 мүнүүтэҕэ оройуоннай больницаҕа сэллик ыарыыттан эдэр сааhыгар күн сириттэн барбыта. Кини суох буолуоҕуттан, 1945 сыл алтынньы ыйыттан, сыл бүтүөр дылы оройуон хаhыата тахсыбакка турбута. 1946 сыл тохсунньу 7 күнүгэр эрэ «Сталин суола» бэчээттэниитэ салҕаммыта.