Кнопка жизни
Кно́пка жи́зни — 2005 сыллаахха тэриллибит Арассыыйа стартааба, Арассыыйаҕа бастакы медициина сигнализаациятын өҥөтүн (кырдьа барбыт саастаах уонна инбэлиит дьоҥҥо суһал көмөнү ыҥырыы) оҥорор[1][2][3][4][5].
Салалтата
уларытХампаанньаны тэрийсээччилэр Ирина Линник (ком. дириэктэр) уонна Сергей Купцов (гендириэктор; «Ринтех» дириэктэрэ) салайаллар[4][2].
2014 сылга хампаанньа хаппытаалын 43 % Дмитрий Юрченко (бу иннинэ «Кнопка» ген. дириэктэрэ) тэрийбит «А-Клевер» хампаанньатыгар, Ирина Линникка уонна Александр Мусиенкоҕа; 57 % «Ринтех» (АйТи) тиксэрэ[4].
Үлэтэ
уларытСтартап суукканы төгүрүччү үлэлиир Көмө киинин кытта сибээстэһэргэ аналлаах SOS кунуопканы баттыырга табыгастаах төлөпүөннэри, кулуоннары, браслеттары о.д.а. тэриллэри тарҕатар[1][2][4].
Call-киин идэтийбит үлэһиттэрэ киһи туругуттан көрөн суһал көмөнү, МЧС эбэтэр полицияны ыҥыраллар, биитэр ыаллыы олорор дьоҥҥо уонна аймахтарыгар биллэрэллэр[2][4].
Түрбүөннээх кунуопкаттан ураты «Кнопка жизни» кэтиир дьонун туһунан араас көрдөрүүлэрин мониторинныырга өҥө оҥорор[4].
Дохуот тэриллэри атыылааһынтан (2 000-10 000 солк.) уонна тэриллээх дьон ыйдааҕы төлөбүрдэриттэн киирэр[2][1], ыйга 200—600 солкуобай (2014 сыл ортотугар)[4].
«Кнопка жизни» үлэлэһэр тэрилтэлэрэ: «АйТи», МТС, «Альцстор» маҕаһыын уо.д.а. хампаанньалар[2].
Бастакы тургутар ыйга МТС салуоннарыгар «Кнопка жизни» атыыта 11 тэрил буолбут (былаан 150 устуука), саайт нөҥүө атыы күүтүллүбүттэн 15 төгүл намыһах буолбут[4].
«Ринтех»-тан инвестиция ылан, «Кнопка жизни» түмэт тэрилтэлэригэр кырата түөрт бэйэтин гааджеттарын атыылыырга уонна тустаах өҥөлөрү оҥорорго 31 мөл. солкуобайдаах судаарыстыба тиэндэригэр кыттан кыайбыт[4].
Үлэтин көрдөрүүлэрэ
уларыт2014 сыл бэс ыйынааҕы туругунан, систиэмэни 10 тыһыынча кэриҥэ киһи туһанар эбит[2].
2014 сыллаахха бэс ыйыгар хампаанньа биллэриитинэн, бырайыак ороскуокка тэппэт, дохуоту ылыыга икки сыл иһинэн былааннанар[1][2].
Остуоруйата
уларытБырайыагы 2010 сыллаахха сэтинньиттэнИрина Линник уонна Дмитрий Юрченко үлэлэппиттэр[2].
2012 сыллаахха от ыйыгар Арассыыйа «АйТи» систиэмэлээх интегратор бөлөҕөр киирэр «Ринтех» хампаанньа стартапка 35 мөлүйүөн солкуобайы инвестициялаабыта[1][2].
CNews дааннайдарынан, ити рааунд кэнниттэн «Ринтех» «Кнопке жизни» хампаанньаттан 57 % бас билбит, онон хампаанньа 61 мөл. солкуобайтан ордук сыаналаммыт[4].
2014 сыллаахха бэс ыйыгар Интернет-инициативалары сайыннарар пуонда «Кнопка жизни» бырайыакка 45 мөл. солкуобайы укпута[1][2][4].
Наградалара
уларытБырайыак хаста да араас куонкурустарга кыайыылаҕынан ааҕыллыбыт[2].
2011 сыллаахха, Экэниэмикэ үрдүкү оскуолатын версиятынан, хампаанньа «Сыл стартааба — 2011» награаданы («Бастыҥ түмэт суолталаах стартаап» номинация) ылбыта, «БИТ-2011» куонкурус кыайыылаахтарын ахсааннарыгар киирбитэ уонна Forbes сурунаал куонкуруһугар иккис миэстэлэммитэ[2][3].
2013 сыллаахха «Секрет фирмы» сурунаал хампаанньаны кэскиллээх венчур бырайыактарын эриэйтинигэр бастакы миэстэҕэ туруорбута[2].
Быһаарыылар
уларыт- ↑ 1,0 1,1 1,2 1,3 1,4 1,5 «ФРИИ вложил 45 миллионов рублей в проект "Кнопка жизни"». Lenta.ru (6 Бэс ыйын 2014). Тургутулунна 28 Алтынньы 2014.
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 2,11 2,12 2,13 Кнопка жизни(нууч.). РБК. Тургутулунна 25 Муус устар 2015.
- ↑ 3,0 3,1 Приказ Министерства экономического развития РФ от 24 апреля 2013 г. N 220 "Об организации проведения конкурсного отбора субъектов Российской Федерации, бюджетам которых в 2013 году предоставляются субсидии из федерального бюджета на государственную поддержку малого и среднего предпринимательства субъектами Российской Федерации"(нууч.). Министерство экономического развития РФ (14 Ыам ыйын 2013). Тургутулунна 25 Муус устар 2015.
- ↑ 4,00 4,01 4,02 4,03 4,04 4,05 4,06 4,07 4,08 4,09 4,10 Владислав Мещеряков. Фонд, созданный по инициативе Путина, вложил 45 млн руб. в стартап «АйТи»(нууч.). CNews (6 Бэс ыйын 2014). Тургутулунна 25 Муус устар 2015.
- ↑ Кнопка Жизни. Медицинская сигнализация(нууч.). Forbes. Тургутулунна 25 Муус устар 2015.
Сигэлэр
уларыт- Официальнай саайт: knopka24.ru.