Конор Макгрегор бэс ыйын 14 күнүгэр 1988 сыллаахха Дублин куоракка төрөөбүтэ. Онно кини бастакытын спортка интэриэһиргээбитэ. Aан бастаан футболунан дьарыктаммыта. Кини «Лудер Селтик» диэн хамаандаҕа оонньообута уонна «Манчестер Юнайтед» диэн кулуупка ыалдьар этэ. 2006 сыллаахха дьиэ кэргэнин кытта Лукан диэн куоракка көһөн кэлбиттэрэ, онно тиийэн орто оскуолаҕа уорэнэ барбыта. Оскуолатын бүтэрэн баран водопроводчик уөрэҕэр үөрэнэн саҕалаабыта. Кэнники Лукааҥҥа кини тустуунан инники UFC охсуһуугун кытта уорэнэн саҕалаабыта. Оннук сылдьан Конор быраабылата суох охсуһууга интэриэһиргээбитэ. 16 сааһыгар СБГ диэн хамаандаҕа киирбитэ. Хоһуун этэринэн кини олоҕор улахан оруолу ийэтэ оонньообута.

Конор Макгрегор

"Ийэм мин карьерабар улахан оруолу оонньообута. Ыарахан кэмнэрбэр мин тугу гынарбын, тугунан дьарыктанарбын, билбэт түгэммэр, спортан тэйэрим дуу диэн толкуйдаабытым, ийэм тренербын кытта кэпсэппитэ, кини биһиэхэ дьиэбитигэр кэлэн миигин салҕыы дьарыктанарга итэҕэппитэ.Ол иһин мин күн аайы киниэхэ махтана саныыбын",-диир кини.

Кини профессиональнай карьератын быраабылата суох охсуһууга чэпчэки ыйааһынтан саҕалаабыта. Кэнники карьернай статистикатыгар уон кыайыы икки хотторуу оҥорон баран бастакытын аллараа категорияҕа киирэн икки охсуһуу кэннэ чемпион үрдүк аатын ылбыта. Ол кыайыытыгар тохтообокко кини урукку ыйааһыныгар төннөн Иван Бухингера диэн хоһуунтан титулын былдьаабыта. Ол кэннэ икки ыйааһыҥҥа тэҥҥэ чемпионнаабыта.

Титула уонна ситиһиитэ: уларыт

  • Чемпион UFC чэпчэки киилэҕэ;
  • Быстах кэмҥэ чемпион UFC кэпчэки киилэҕэ (биирдэ)
  • Бас билбит премията «Бастыҥ нокаут» биир киэһээ (биирдэ)
  • Бас билбит премията «Кыттыы киэһээтэ» (биэстэ)
  • Бас билбит премията «Бастыҥ охсуһуу» биир киэһээ (биирдэ)
  • Чемпион CWFC чэпчэки киилэҕэ
  • Бастыҥ норуоттар ыккардыларынааҕы хоһуун(2014)

Бэйэтин олоҕо: уларыт

2007 сылтан Ди Девлинныын кэргэнниилэр.