Кулаковскай А.Е. аатынан Судаарыстыбаннай бириэмийэ

Кулаковскай А.Е. аатынан Судаарыстыбаннай бириэмийэ - Саха Өрөспүүбүлүкэтин судаарыстыбаннай наҕараадата.

Бириэмийэ Саха сирин омуктарын духуобунай култууратын барҕарыытыгар уһулуччу сыралҕаннаах уопсастыбаннай үлэлэрин иһин, Саха Өрөспүүбүлүкэтин социальнай уонна экэниэмикэҕэ сайдыытыгар бөдөҥ кылааттарын киллэрбит Арассыыйа Федерациятын уонна атын дойдулар гражданнарыгар ананар.

Бириэмийэ СӨ Бырабыыталыстыбатын 1992 сыл атырдьах ыйын 3 к. 348№ уурааҕынан олохтоммута[1].

Бириэмийэни анааһын бэрээдэгэ уларыт

Бу бириэмийэни анааһыҥҥа аналлаах хамыыһыйа тэриллэр. Хамыыһыйа састаабын СӨ Бэрэсидьиэнэ бигэгэтэр. Бириэмийэҕэ хандьыдааттары судаарыстыба уонна уопсастыба тэрилтэлэрэ, айар сойуустар бырабылыанньалара, билим тэрилтэлэрэ, бэчээт уонна информацияны киэҥник тарҕатыы тэрилтэлэрэ, үрдүк уонна орто үөрэх кыһалара киллэрэллэр. Болдьоҕо алтынньы 1 күнүттэн аныгы сыл олунньу 1 күнүгэр дылы.

Бириэмийэ хамыыһыйата бэйэтин санаатын СӨ Бэрэсидьиэнин судаарыстыбаннай наҕараадаларга хамыыһыйатыгар этэр. Онтон ол хамыыһыйа үлэтин түмүгүн Бэрэсидьиэн бэйэтин ыйааҕынан бигэргэтэр. Бириэмийэ Өксөкүлээх Өлөксөй төрөөбүт күнүгэр кулун тутар 4 ананар.

Бириэмийэни сылга биир эрэ киһи ылар.

Быһаарыылар уларыт