Кычкин Иннокентий Семенович
Кычкин Иннокентий Семенович — Саха АССР гражданскай авиациятын сирдээҕи сулууспаларын 21 сыл салайбыт киһи, Аҕа дойду Улуу сэриитин кыттыылааҕа, сэрии кэмигэр хорсунун иһин икки Кыһыл Сулус уордьанынан наҕараадаламмыт.
| Иннокентий Семенович Кычкин | ||||||||||
| Төрөөбүт күнэ | ||||||||||
|---|---|---|---|---|---|---|---|---|---|---|
| Төрөөбүт сирэ | ||||||||||
| Өлбүт күнэ | ||||||||||
| Сулууспалаабыт дойдута | ||||||||||
| Сулууспалаабыт сыллара |
1942—1945 | |||||||||
| Солото |
старшай лейтенант  | |||||||||
| Чааһа |
562-с СП, 165-с СД; | |||||||||
| Кыргыһыылар/сэриилэр | ||||||||||
| Наҕараадалара |
| |||||||||
1920 сыллаахха Мэҥэ-Хаҥалас улууһугар Мөҥүрүөн нэһилиэгэр төрөөбүт. 1940 сыллаахха Булгунньахтаах (Хаҥалас улууһа) толорута суох орто оскуолатыгар ананан, история, байыаннай дьыала учууталларынан үлэлээбит.
Аармыйаҕа институту бүтэрэн баран, Булгунньахтаахха учууталлыы сылдьан, 1942 сыллаахха ыҥырыллыбыт. Ол сыл атырдьах ыйыттан Волховскай, 1944 сылтан — Ленинградскай фроннарга сэриилэспит. Разведчик-снайпер.
Сэрии кэнниттэн Ленинградтааҕы үрдүкү авиационнай училищены бүтэрбит. Воронежка ССКП обкуомугар үлэлээбит, онтон дойдутугар төннөн ЯУГА политработнигынан анаммыт. Дьокуускай аэропордун начаалынньыга буола сылдьыбыт. 1960 сыллаахтан Саха Сирин гражданскай авиациятын салалтатын начальнигын солбуйааччытынан биэнсийэҕэ тахсыар диэри 21 сыл үлэлээбит.
Кытаанах хараактырдаах этэ, карьератын "көмөн" кэбиһиэх быһаарыылары ыларыттан толлубата диэн кэпсииллэр. 80-с сс. саҕаланыыларыгар 6 этээстээх управление дьиэтин учебно-тренировочнай этэрээт дьиэтэ диэн ааттаан туттарбыт. Төрдүс этээһин тута сырыттахтарына сойуус министиэристибэтэ ону билэн айдаан бөҕө тахсыбыт, тутууну тохтоппуттар. Ол эрээри Кычкин бу уустук балаһыанньаттан тахсыбыт, тутуу ситиһиилээхтик түмүктэммит.
750 миэстэлээх "Сокол" пионер лааҕырын, Чкалов аатынан санаторий-профилакторий, уһуйааннар, ыччат уопсайдара, туох баар тэрилтэлэргэ олорор дьиэлэри туттарбыта. 20-тэн тахса аэропорду реконструкциялаппыта, 45 аэропорт, 220 авиаплощадка үлэтин салайбыта.
Уһулуччу үчүгэй лиэктэр, көхтөөх спорт болельщига уонна спорду тэрийээччи, уутуйбут булчут уонна балыксыт этэ дииллэр[1]
Наҕараадалара
уларыт- Аҕа дойду сэриитин I ст. уордьана (23.12.1985)[2]
- Үлэ Кыһыл Знамятын уордьана
- Норуоттар Доҕордоһууларын уордьана
- Кыһыл Сулус уордьана (07.03.1943[3]; 30.04.1944[4])
- «Бочуот Бэлиэтэ» уордьан
- «Хорсунун иһин» мэтээл (16.12.1942)[5]
- «Ленинград көмүскэлин иһин» мэтээл
- «Аҕа дойду Улуу сэриитигэр Германияны кыайыы иһин 1941-1945 сс.» мэтээл
- Саха АССР норуотун хаһаайыстыбатын үтүөлээх үлэһитэ
- «Аэрофлот туйгуна» бэлиэ
Быһаарыылар
уларыт- ↑ И.Е. Негенбля Возродить славные традиции: События и люди гражданской авиации Якутии. — Якутск: Якутский край, 2003. — С. 31-32. — 344 с. — 1000 экз. — ISBN 5-85259-742-2
- ↑ Карточка награжденного в электронном банке документов «Подвиг Народа»
- ↑ Наградные документы в электронном банке документов «Подвиг Народа»
- ↑ Наградные документы в электронном банке документов «Подвиг Народа»
- ↑ Наградные документы в электронном банке документов «Подвиг Народа»
Сигэлэр
уларыт- Учителя-воины Хангаласского улуса в Великой Отечественной войне 1941-1945 гг. / К. Г. Скрябина. — Покровск. — 130 с.
- Мегюренский наслег: Географическая и историческая справка о наслеге
- М. Г. Старостин. Өлбөөдүйбэт үйэ аҥаара. — Дь.: Бичик, 1995.