Күрдьүгэс сиидэтэ

Күрдьүгэс сиидэтэ (нууч. Козляк).

Оҥоһуутун ойуулааһын

Сэлээппэтэ кытархай хоҥор, кытархай араҕас, даллаҕар, орто кээмэйдээх, кэтитэ 11 см тиийэр, эминньэхтиҥи долгуннаах. Сииктээх кэмҥэ салыҥнаах.
Сэлээппэтин алын ѳттѳ сэлээппэтинии ѳҥнѳѳх эбэтэр от күѳхтүҥү араҕас. Киэҥ муннуктардаах хайаҕастардаах туруупкалардаах.
Хайа туттахха этэ саhархай, онто салгыҥҥа тэтэрэр эбэтэр халлаан күѳҕэ ѳҥнѳнѳр.
Атаҕа бѳкүнүк, кылгас, алларанан синньигэс, ѳҥѳ кытархай араҕас.

Yүнэр кэмэ

От ыйыттан күhүн хойукка диэри.

Yүнэр сирэ

Бэс ойуурга суол кытыытынан, намыhах сииктээх соҕус сиргэ үүнэр. Саха сиригэр бэс үүнэр оройуоннарыгар барыларыгар баар.

Аска туттуу

Ортону аннынан хаачыстыбалаах тэллэй. Этэ кытаанах, эрэhиинэни маарынныыр. Сибиэhэйдии эбэтэр маринуйдаан баран сииллэр.

Маарыннаhар сүлүhүннээх тэллэйэ суох. Арай аhыы амтаннаах сиэммэт курас тэллэйи (перечный гриб) кытта бутуйуохха сѳп. Курас тэллэй амтана биэрэстээх курдук аhыы буолар.