Көмө аат (нууч. служебное имя) - саҥа ирээтэ, тардыылаах аат буолар сүрүн суолтатын сүтэрэн, тардыылаах сыһыарыы, таһаарыы, туттуу түһүк халыыбыгар туттуллан, хайысха суолталаммыт тыл ааттанар.

Төрүт түһүккэ туран, бу тыллар барамай хайа эрэ өрүтүн, чааһын көрдөрөр суолталаахтар. Холобур, дьиэ ИННЭ, дьиэ КЭННЭ, дьиэ ҮРДЭ, дьиэ ИҺЭ, дьиэ ТАҺА, дьиэ ОЙОҔОҺО. Бу тыллар чопчу барамай өрүтүн көрдөрөр суолталара көмө аат буолаллар, оттон барамай чааһын, өлүүскэтин көрдөрөр суолталара тардыылаах аат курдук ылыныллар. Холобур, дьиэ ҮРДҮН тэлгэтэр. Хайа БЫАРЫГАР хаар билигин да сытар.

Көмө ааттар хайысха суолтатын сүтэрэн, кырамаатыка сыһыанын көрдөрөр түбэлтэлэригэр дьөһүөл буола кулуйаллар. Холобур, Кини эппитин ҮРДҮНЭН, истибэккэ дойдулаабыт.