Литке Федор Петрович

Литке Федор Петрович (атырдьах ыйын 17 (28) күнэ, 1797, Санкт-Петербург — атырдьах ыйын 8 (20) күнэ, 1882, Санкт-Петербург) — аан дойдуга биллибит муоранан устааччы, Арассыыйа билимин академиятын бэрэсидьиэнэ.

Федор Литке

1864 сыллаахтан 1882 сыллаахха дылы Арассыыйа билимин академиятын бэрэсидьиэнинэн олорбута. Учуонай быһыытынан аан дойдуга биллибит Академия бастакы бэрэсидьиэнэ. Камчаатка кытылын каартаҕа киллэрбитэ, хас да арыыны уонна архипелаагы арыйбыта, ол өҥөтүн иһин Нуучча географияҕа уопсастыбатын вице-бэрэсидьиэнинэн талыллыбыта. Литке академия бэрэсидьиэнэ буолан олордоҕуна физика обсерваториятын, Павловскайга баар метеорология уонна магнит обсерваторияларын үбүлээһин улааппыта. Билим уонна литература айымньыларын иһин бириэмийэлэр ахсааннара элбээбитэ, түмэллэр туруктара тупсубута[1].

БыһаарыыларПравить

  1. 10 президентов Академии наук, Огонек, ыам ыйын 13, 2013