Лучанскай Григорий Эммануилович

Григорий Эммануилович Лучанскай – (олунньу 8 күнүгэр 1945 сыллаахха Ташкент куоракка төрөөбүт) – норуоттар икки ардыларынааҕы таһымнаах урбаанньыт, түмэт урбаанньы. “Нордекс” диэн Австрия хас даҕаны хампаанньатын бөлөҕүн төрүттээччи, Бырамыысыланнаһынан уонна урбаанынан дьарыктанааччылар норуоттар икки ардыларынаҕы кэнгириэстэрин вице-бэрэсидьиэнэ, Арассыыйатааҕы “Инвестициялаах бырайыактар уонна бырагыраамалар кииннэрин” бэрэсидьиэнэ, Арассыыйа Дьэбириэйдэрин Бүрүсүдьүүмүн чилиэнэ.

Григорий Лучанскай аҕата Эммануил Эммануилович Лучанскай идэтинэн байыаннай быраас этэ. Аҕа дойду Улуу сэриитин кыттыылааҕа. 1949 сыллаахха өлбүтэ. Ийэтэ – Берта Григорьевна Владимирская – 1950-1960 сыллардаахха инбэлииттэр артыалларыгар үлэлээбитэ, экэнэмиис идэлээҕэ. 1975 сыллаахха өлбүтэ. Лучанскай билигин Арассыыйанан уонна Австриянан көһө сылдьан олорор. Үс төрөппүт кыыстаах уонна уол оҕолоох.

Григорий Лучанскай 1963-1968 сыллардаахха Ыстаал уонна тимир Москубатааҕы үнүстүүтүгэр үөрэнэн “металлург-инженер” идэтин баһылаабыта.

1968-1973 сыллардаахха Орджоникидзе аатынан Москубатааҕы салайыы үнүстүүтүгэр үөрэммитэ. Оннон үөрэнэн “тутууну тэрийэр экэнэмиис” буолан тахсыбыта.

1974-1978 сыллардаахха эмиэ үөһэ ахтыллыбыт үнүстүүккэ аспирантураҕа үөрэммитэ уонна кэлин экэниэмикэ билимин дуоктара, Информатизация норуоттар икки ардыларынаҕы акадьыамыйатын акадьыамыга буолбута.

Григорий Эммануилович Лучанскай 2002 сыллахтан саҕалаан Сергей Никитины кытары Смоленскайга Мөлтөхтүк көрөр уонна букатын көрбөт оҕолор анал оскуолаларыгар көмөлөһөллөр. Ол оскуола үлэтин-хамнаһын сүрүннэһэллэр. 

Итини таһынан Григорий Лучанскай Москуба куорат бырабыыталыстыбатын көҕүлээһининэн Москуба куоракка хаан плазматыттан араас препараттары ыларга уонна ону үөрэтэргэ туһуламмыт тэрилтэни тута сылдьар, үлэҕэ киллэргэргэ бэлэмнэнэр.