Мажит Гафури аатын үйэтитэр түмэл-дьиэ

Мажит Гафури аатын үйэтитэр түмэл-дьиэ - суруйааччы түмэлэ, Башкортостан норуодунай поэта Мажит Гафури(1880-1934) Уфаҕа олорбут дьиэтэ. Арассыыйа култуурунай баайын эрэгийиэнээлинэй суолталаах эбийиэгэ. М.Гафури түмэл-дьиэтэ Башкортостан Өрөспүүбүлүкэтигэр баар литэрэтиирэ түмэллэриттэн биир бастакылара. 1948 с.тохсунньу ыйыгар арыллыбыта. Гиневскайдар урукку уһаайбаларыгар турар 1880 сылларга тутуллубут мас дьиэ. Архитектура пааматынньыга. Дьиэни, Мажит Гафурига Башкортостан Өрөспүүбүлүкэтин салалтата 1923 с. суруйааччы үбүлүөйүгэр бэлэхтээбит. Эмиэ ити сылга кини, Башкортостан норуодунай поэта буолбут. Бу дьиэҕэ, Гафури 11 сыл олорбут. Биллиилээх суруйааччылар, поэттар элбэхтик сылдьар дьиэлэрэ эбит. Габдельмажит Нурганиевич литэрэтиирэ эйгэтигэр үлэлээбитэ 20 сылын туолбутугар пианино бэлэхтээбиттэр. Дьиэ, өрөспүүбүлүкэ айар интеллигенцията сөбүлээн мустар сирэ буолбут. М.Гафури 60 сааһын туолбутугар, кини аатын Башкортостан биир оройуонугар иҥэрэр туһунан бирикээс тахсыбыт. Ол гынан, Красноульскай оройуон, Гафурийскай буолбут. Түмэл-дьиэ алта саалалаах. Хостор бары, суруйааччы олоро сылдьыбыт кэминээҕи укулааттаахтар. Экспозицияҕа киин миэстэни Башкортостан сүрүн поэтын олоҕун уонна айар үлэтин туһунан кэпсээн ылар. Түмэл үлэһиттэрэ, норуодунай поэт суруктарын, дөкүмүөннэрин харайан аҕалбыттарын таһынан, түмэлгэ 20 үйэ 30-ус сылларын уобараһын итэҕэтиилэхтик тилиннэрбиттэр. Манна, суруйааччы биллиилээх айымньыларын: "Черноликие", "Ступени жизни", "Красная звезда", "Труженик" опера либреттотын суруйбута. Түмэл, Сэбиэскэй Сойуус маннык хабааннаах түмэллэриттэн биир бастакылара. Мажит Гафури аатын үйэтитэр түмэл-дьиэ - Башкир Өрөспүүбүлүкэтин национальнай литэрэтииринэй түмэлин филиала. https://rb7.ru/m/interest/194265 https://russia.travel/objects/296524/ Архыыптаммыт 2020, Бэс ыйын 28 күнүгэр.