Маисов Семен Семенович

Маисов Семен Семенович — (29.04.1973) — бэйиэт, прозаик, 2010 сыллаахтан Саха Өрөспүүбүлүкэтин уонна РФ суруйааччыларын сойуустарын чилиэнэ.

Олоҕун олуктара

1973 сыллаахха муус устар 29 күнүгэр Бүлүү оройуонун III Күүлэтигэр элбэх оҕолоох ыалга төрөөбүтэ. Үгүлээт орто оскуолатын 1990 сыллаахха бүтэрбит, 2004 сыллаахха кэтэхтэн үөрэнэн М. К. Аммосов аатынан Саха государственнай университетын саха филологиятын уонна национальнай култууратын факультетын бүтэрбит.

Бүлүү улууһугар, Үгүлээт орто оскуолатыгар педагог-библиотекарынан үлэлиир.

Айар үлэтэ

«Хайа да саас — оҕо саас» диэн бастакы хоһооно «Кэскил» хаһыакка бэчээттэмит. Ол кэнниттэн кини хоһоонноро, кэпсээннэрэ, сэһэннэрэ уонна арамааныттан быһа тардыылар өрөспүүбүлүкэ хаһыаттарыгар, сурунаалларыгар бэчээттэнэр буолбуттара, элбэх ааптардаах хомуурунньуктарга киирбиттэрэ.

2008 сылга эдэр суруйааччылар республикатааҕы 16-с сүбэ мунньахтарын кыттыылааҕа.

2009 сыл, балаҕан ыйын 2-4 күннэригэр Дьокуускай куоракка “Бэчээт тиэргэнэ – 2009” алтыс регионнар икки ардыларынааҕы быыстапка-дьаарбаҥкаҕа “Ийэм кэпсиир…” кинигэм “Дебют” номинацияҕа кыайан бастакы степэннээх дипломунан уонна кыһыл көмүс мэтээлинэн наҕараадаламмыта.

2009 сылга “Ийэм кэпсиир…” арамаан бастакы кинигэтэ, оттон 2010 сылга иккис кинигэтэ С. А. Новгородов аатынан “Бичик” кинигэ кыһатыгар бэчээттэммиттэрэ. 2011 сылга ааҕааччылар көрдөһүүлэринэн арамаан бастакы кинигэтэ Дьокуускай куоракка эбии тахсыбыта. 2012 сылга арамаан үһүс кинигэтэ, 2013 сылга төрдүс кинигэтэ туспа кинигэнэн, “Бичик” кинигэ кыһатыгар бэчээттэммиттэрэ.

“Ийэм кэпсиир…” арамаан түөрт кинигэтэ “Чолбон” уус-уран литературнай уонна общественнай-политическай сурунаалга биэс сыл устата толору бэчээттэммитэ.

2010 сылтан Россия Суруйааччыларын сойууһун чилиэнэ.

2012 сылга, Саха Республикатын Президенигэр Тыл политикатын Сэбиэтин бэрэссэдээтэлэ Ф. В. Габышева уонна Саха Республикатын С. А. Новгородов аатынан “Бичик” национальнай кинигэ кыһатын директора А. В. Егоров – “Саамай ааҕыллар кинигэ ааптара” диэн анал бириэмийэлэрин туппута.

2012 сылга “Россия-Якутия: 380 лет” диэн Саха Өрөспүүбүлүкэтин бэрэсидьиэнин анал бэлиэтинэн наҕараадаламмыта.

2013 сыл сайыныгар, епископ Еаков (Домской) аатынан “За чистоту слова и образа” диэн епархиальнай литературнай бириэмийэ лауреата буолбута.

“Үрүҥ өҥ” хоһооннорун хомуурунньуга “Оһуор” кассетаҕа киирэн бэчээттэнэн 2010 сылга ыытыллыбыт Республикатааҕы учууталлар форумнарыгар “Уйулҕа иэйиитин хамсатан” литературнай салоҥҥа сүрэхтэммитэ.

2015 сыл түмүгэр “Аҕа” диэн сэһэннэр, кэпсээннэр, хоһооннор хомуурунньуга бэчээттэнэн тахсыбыта.

Арамаан ис хоһоонугар, тутулугар – үрдүк үөрэх кыһатыгар, саха салаатыгар, дипломнай үлэлэр сурулланнар туйгуннук көмүскэннилэр.

“Ийэм кэпсиир…” айымньы, национальнай библиотека чэрчитинэн ыытыллыбыт “Ааҕыыны өйөөһүн уонна сайыннарыы концепциятыгар” 2013 сылга киирбит Сүүс суруйааччы сахалыы бастыҥ айымньыларын испииһэгэр киирбитэ.

“Ийэм кэпсиир…” арамаан, аныгы ирдэбилгэ сөп түбэһэр үөрэх кинигэтигэр (ФГОС), оскуола учебнигар (хрестоматияҕа) киирэн бүтүн республика үрдүнэн үөрэтиллэр.

«Оһуор» кассетнай хомуурунньукка «Сурук» диэн ааттаах дьоҕус кинигэтэ 2009 сыллаахха тахсыбыта.

Кинигэлэрэ

• Ийэм кэпсиир. — Дьокуускай: Бичик, 2010. — Ч. 3. — 2012. — 384 с.

Айымньы

• Тымныы
• Күһүҥҥү түүн