Мамиашвили Михаил Геразиевич

Михаил Гера́зиевич Мамиашви́ли (1963 сыл, сэтинньи 21 күнэ, Конотоп, Сумскай уобалас, Украинска ССР, ССРС) — греко-римскэй истииллээх сэбиэскэй тустуук, Олимпиада чөмпүйүөнэ, ССРС Успуордун үтүөлээх маастара (1988), ССРС уонна Арассыыйа үтүөлээх тириэньэрэ (1992), Арассыыйа спортивнай тустууга федерациятын бэрэсидьиэнэ (ФСБР).

Биографията уларыт

Михаил Мамиашвили 1963 сыллахха сэтинньи 21 Украина Сумскай уобалаһын Конотоп куоратыгар төрөөбүт. Аҕата — Мамиашвили Герази Арчилович (1937—1997). Ийэтэ — Мамиашвили Вера Григорьевна (1938 с.т.). Михаил тустуунан Конотопка олорон 13 сааһыттан дьарыктанан барбыт. 1978 сыллахха Москубаҕа көһөн кэлбит уонна Э.К. Задыханов салалтатынан "Трудовые резеры" тустууктары Олимпиадаҕа бэлэмниир кииҥҥэ дьарыктанан саҕалаабыт. "Трудовые резервы" успуорт уопсастыба аатыттан туста сылдьыбыта.

1982 сыллаахха Бүтүн Сойуустааҕы ыччаттар оонньууларын кыайбыта, 1983 -- ССРС Норуоттарын спартакиадатын, Аан дойду юниордарга чөмпүйэнээтин, ССРС чөмпүйэнээтин. 1983 сыллаахха Киевка тустууга Аан дойду чөмпүйүөнэ буолбута уонна чөмпүйэнээт саамай эдэр, техничнай бөҕөһө ааты ылбыта[1].

1988 сыллаахха Сеулга ыытыллыбыт Олимпия оонньууларыгар 82 киилэҕэ диэри ыйааһыҥҥа тустубута.

Киирсиилэргэ:

  • бастакы эргиир 5-с мүнүүтэтигэр Убальдо Родригеһы (Пуэрто-Рико) 15-0 ахсаанынан кыайбыта;
  • иккис эргиир 5-с мүнүүтэтигэр Эрнесто Рацциноны (Италия) кыайбыта. Рацционо көҕө суохтук тустубутун суотугар;
  • үһүс эргиир 6-с мүнүүтэтигэр көҕө суохтук тустан Богдан Дарашка (Польша) кыайтарбыта;
  • төрдүс эргииргэ 11-0 ахсаанынан Майк Буллманы (Германия) кыайбыта;
  • бэһис эргииргэ 6-3 ахсаанынан Горан Касуму (Югославия) кыайбыта;
  • алтыс эргииргэ 8-0 ахсаанынан Ким Сон Гуну (Соҕуруу Кэриэйэ) кыайан финалга тахсыбыта;

Финалга Тибор Комаромины (Венгрия) 10-1 ахсаанынан кыайан, Олимпиада чөмпүйүөнэ буолбута[2].


Михаил Мамиашвили Омскайдаҕы Физическэй култуура судаарыстыбаннай институтун уонна Физическэй култуура байыаннай институтун успуорт устурууктардарын кууруһун бүтэрбитэ (1990)[3].

С 1991 сыллаахха карьерартын түмүктээбитин кэннэ, Арассыыйа греко-римскай тустуутугар сүүмэрдэммит хамаандатын сүрүн тириэньэринэн анаммыта. 1992 сыллааҕы Олимпиадаҕа СНГ Холбоһуктаах хамаандаларын сүрүн тириэньэрэ. 1998-2002 сыллардаахха -- ЦСКА начаалынньыга. 1995 сылтан -- Арассыыйа спортивнай тустуугу федерациятын вице-бэрэсидьиэнэ. 2001 сыллаахтан — Арассыыйа спортивнай тустууга федерациятын бэрэсидьиэнэ. Тустууну таптааччылар Норуоттар икки ардыларынааҕы федерацияларын (FILA) бүрүөтүн чилиэнэ. Арассыыйа Национальнай Олимпийскай кэмитиэтин ситэриилээх кэмитиэтин чилиэнэ. 2001 сылтан -- Арассыыйа Олимпийскай кэмитиэтин вице-бэрэсидьиэнэ[4].

2015 сыл балаҕан ыйыгар Мамиашвилига АХШка киирэр визани биэрэри аккаастаабыттара[5].

Тус олоҕо уларыт

Москуба куоракка олорор. Кэргэннээх, үс кыыстаах, 2012 сыл от ыйыгар төрөөбүт уоллаах[6]. Ойоҕо — Мамиашвили Маргарита Владимировна (1962 с.т.). Оҕолоро: Мамиашвили Тамара (1984 с.т.), Мамиашвили Татиана (1989 с.т.), Мамиашвили Елизавета (2000 с.т.). Иллэҥ кэмигэр Лаки диэн сөбүлүүр ытын кытары бодьуустаһар. Украина норуодунай ырыаларын сөбүлүүр. Орто кыыһа Татиана МГИМОну бүтэрбитэ, аатырбыт режиссер Федор Бондарчук уола Сергей ойоҕо. Татианалаах Сергей 2012 сыл ахсынньытыгар Маргарита, оттон 2014 сыл ыам ыйыгар Вера диэн кыыстаммыттара.

Кыттыбыт сүрүн күрэхтэһиилэрэ, ылбыт миэстэлэрэ уларыт

Сыла Турнира Миэстэтэ
1983 Ыччаттар аан дойдутааҕы чөмпүйэнээттэрэ 1
1983 Аан дойду чөмпүйэнээтэ 1
1983 ССРС Норуоттарын спартакиадата 1
1984 Дружба-84 1
1984 ССРС чөмпүйэнээтэ 1
1984 Дьобуруопа чөмпүйэнээтэ 3
1985 Дьобуруопа чөмпүйэнээтэ 3
1985 Аан дойду Муҥутуур чөмпүйэнээтэ 1
1985 Аан дойду чөмпүйэнээтэ 1
1985 Аан дойду кубога 1
1986 Дьобуруопа чөмпүйэнээтэ 1
1986 Аан дойду чөмпүйэнээтэ 1
1986 ФИЛА Гран-Прита 1
1988 Дьобуруопа чөмпүйэнээтэ 1
1988 Олимпия оонньуулара 1
1988 ССРС чөмпүйэнээтэ 1
1989 Дьобуруопа чөмпүйэнээтэ 1
1989 Аан дойду чөмпүйэнээтэ 2
1990 Гран-При 1
1990 Аан дойду чөмпүйэнээтэ 2

[7]

Аата-суола уларыт

  • Аан дойду Бастыҥ тустуугун Кыһыл көмүс курун хаһаайына (1986, 1988)
  • Педагогика билимин хандьыдаата (1998)
  • Байыаннай солото -- полковник.

Наҕараадалара уларыт

  • «Аҕа дойдуга өҥөлөрүн иһин» уордьан IV истиэпэнэ (2014)[8]
  • Бочуот Уордьана (2011) — физкультура уонна успуорт сайдыытыгар өҥөлөрүн иһин
  • «Бочуот Знага» уордьан (1985)
  • Норуоттар Доҕордоһууларын уордьана (1989)
  • «Аҕа дойдуга өҥөлөрүн иһин» уордьан мэтээлин I истиэпэнэ (2001)[9]
  • «Аҕа дойдуга өҥөлөрүн иһин» уордьан мэтээлин II истиэпэнэ (1997)[10]
  • «За заслуги» уордьан III истиэпэнэ (Украина, 2012)[11].
  • Арассыыйа Федерациятын Бэрэсидьиэнин Бочуоттаах кырамаатата (2013)[12]

Библиографията уларыт

Үгүс билим-мэтиэдикэ үлэлэрин ааптара уонна кыттыгас ааптара, ол иһигэр:

  • «Целевая комплексная программа подготовки сборной команды России по греко-римской борьбе к Олимпийским играм 2000 года» (1996)
  • «Функциональная схема управления процессом совершенствования в видах единоборств» (1998)
  • «Методика скоростно-силовой подготовки борцов» (1998)
  • «Система комплексного контроля в видах единоборств» (1998).[1]

Бэлиэтээһиннэр уларыт

  1. 1,0 1,1 Михаил Мамиашвили (Mihail Mamiashvili)
  2. Mikhail Mamiashvili Biography and Olympic Results | Olympics at Sports-Reference.com
  3. Джулфалакян Левон — другие виды — Спорт — Армения и Арцах — Армения
  4. Спортивная Россия — ОТ СПОРТИВНЫХ ПОБЕД К ВОЗРОЖДЕНИЮ РОССИИ!
  5. МИД РФ изучает ситуацию с отказом в визе США Мамиашвили | РИА Новости
  6. Новости Life, У Михаила Мамиашвили родился сын
  7. International Federation of Associated Wrestling Styles
  8. Указ Президента Российской Федерации от 5 декабря 2014 года № 756 «О награждении государственными наградами Российской Федерации»
  9. Указ Президента Российской Федерации от 19 апреля 2001 года № 450 Архыыптаммыт 2015, Бэс ыйын 5 күнүгэр.
  10. Указ Президента Российской Федерации от 6 января 1997 года № 1
  11. Указ Президента України № 755/2012 від 25 грудня 2012 року «Про відзначення державними нагородами України» (укр.)(укр.
  12. Распоряжение Президента Российской Федерации от 19 июня 2013 года № 245-рп