Марков Алексей Иванович

Марков Алексей Иванович — Аҕа дойду Улуу сэриитин кыттыылааҕа.

Аармыйаҕа 1941 с. бэс ыйыгар Чурапчы оройуонун военкоматынан ыҥырыллыбыт. Ленинград фронугар сэриилэһэ сылдьан 1943 сыллаахха сураҕа суох сүппүт. Нэһилиэк сэбиэтин бэрэссэдээтэлигэр Константин Прокопьевич Далбаевка уонна колхуос бэрэссэдээтэлигэр Пестерева Варвара Осиповнаҕа 1942 с. от ыйын 11 күнүгэр суруйбут суруга «Өлбөөдүйбэт үйэ аҥаара» кинигэҕэ бэчээттэммит. Суругар оҕотун Гошаны сураспыт, олохтоох аадырыһым суох буолан суругу туппаппын диэбит. Кэргэттэрбэр көмө оҥорорго кыһаныҥ диэн көрдөспүт, оҕобун туох кыалларынан үөрэттэриҥ, үчүгэй киһи буоларыгар көмөлөһүҥ диэбит.

1915 сыллаахха төрөөбүт. Чурапчы улууһа, Мэлдьэхсин нэһилиэгэ<?>. Бүтэһик сулууспатын аадырыһа: п/п 37673. 1943 сыл сэтинньитигэр сураҕа суох сүппүтүнэн ааҕыллыбыт.