Маҥаас

Маҥаас — бэйэтин дьүһүнүттэн тутулуга суох сирэйэ олоччу эбэтэр муннуттан сүүһүгэр диэри маҥаннаах (ынах сүөһү, сылгы туһунан).

Дьүһүн атын көрүҥнэрэ

• Аалай маҥаас — бэйэтэ кытархай дьүһүннээх, сирэйэ олоччу эбэтэр муннуттан сүүһүгэр диэри маҥаннаах.
• Араҕас маҥаас — бэйэтэ кыһыллыҥы саһархай дьүһүннээх маҥаас.
• Кугас маҥаас — бэйэтэ кугас дьүһүннээх.
• Күрэҥ маҥаас — бэйэтэ кутуйах курдук күрэҥ дьүһүннээх.
• Кэлтэгэй маҥаас — сирэйин аҥаара кэлтэччи маҥаннаах.
• Маҥаас чуоҕур — чуоҕур дьүһүннээх.
• Хара маҥаас — бэйэтэ хара дьүһүннээх.
• Хаччаҕай маҥаас — сирэйин аҥаара сүүһүттэн муннугар дылы бэйэтин дьүһүнүттэн адьас атын дьүһүннээх (маннык сүөһүнү үөһэттэн айдарыылаах диэн этэллэрэ).