Металлоид

Металлоид диэн химия ууһуга. Металлоидтар химия саҥнарынан металлар уонна метал буолбатахтар икки ардыларынан буолаллар. Металлоид диэн тугуй уонна ханнык ууһуктар металлоид буолалларын туһунан биир кэлим быһаарыы суох. Ол эрээри химия литературатыгар металлоид термин син биир туттуллар. Бу алта ууһугу металлоид быһыытынан үксүн билинэллэр - бор, кремний, германиум, күһэл, сүрмэ, теллур. Бу биэс ууһугу металлоид быһыытынан ардыгар билинэллэр - харыалык, алюминий, селен, полониум, астат.

Тэгил металлоид металлыҥы көстүүлээх, ол эрэн кэбирэх, чаҕылыманы үчүгэйдик аһарар. Металлоид химиятынан метал буолбатахтар курдук майгылаах. Металлардыын буккуһан уһаарык буолуон сөп. Металлоидтар химия уонна физика саҥнара төрүкү ортокулар. Металлоидтар тутул буоларга аһара кэбирэхтэр. Металлоидтары уонна кинилэр холбоhуктарын бу эйгэлэргэ туһаналлар - уһаарыктар, биология агеннара, катализ, антипирен, өстүөкүлэ, оптика хараана, оптоэлектроника, пиротехника, аҥар аһарааччылар, электроника.