Мин тереебут саха тылым

Төрөөбүт тыл - көлүөнэттэн көлүөнэҕэ бэриллэр ханнык баҕарар норуот улуу нэhилиэстэбэҕэ, киьи аймах ытык өйдөбүллэриттэн биирдэстэрэ. Оҕону кыра сааhыттан оҕо тэрилтэтигэр, оскуолаҕа төрөөбүт тылынан иитии- үөрэтии сүрүн ирдэбил быhыытынан билиниллэр.
 Уопсастыба олоҕор уларыйыы тахсан, дойду историятын,олорон ааспыт олоҕун сыаналыырга, кэлэр кэскилин түстүүргэ атын көрүү үөскэтиэххэ наада ди саныыбын.
 Төрөөбүт литератураны үөрэтии билиҥҥи кэмҥэ маннык сыалы соругу туруорар:

- сахалыы литератураны сэргээн, кэрэхсээн, сатаан,өйдөөн аҕарга үөрэтии. - аахпыты бэйэ сайдыытыгар туhанарга туhулааhын. - ийэ тыл уус-уран күүhүн, кэрэтин, тыл илбииhин хомунан оҕо кыра сааhыттан иҥэрии. - уус-уран айымньыны, араас геройдарын туhунан төрөөбүт норуот олоҕун, историятын, культуратын, угэстэрин, сиэрин-майгытын арыйыы. - киhи аналын,олоҕу диринник, таба өйдүүргэ үөрэтии. - төрөөбүт тылынан уус-уран айымньы айыллар үгэhин, кистэлэҥин, араас ньыыматын билиhиннэрии. - хас биирдии киһи айымньылаахтык толкуйдуур уонна айар дьоҕура тобулларыгар суол аhыы. - уус-уран айымньыны ураҥ тыллаах, ураты дьоҕурдаах, талааннаах дьон айарын өйдөтүү. Төрөөбут тылбыт, фольклор уонна литература норуот духуобунай баайа, киhи ейе-санаата тобуллар, туругурар, майгыта-сигилитэ ситэр, арыллар, истиҥ, иhирэх иэйиитэ уhуктар эйгэтэ буолар. Биһиги сахабыт тыла олус баай, дириҥ историялаах, атын омук тылларыгар холоотоххо олус кэрэтик иһиллэр тыл. Тылбыт сүппэтин, симэлийбэтин туһугар,кэлэр кэнчээри ыччаппытын, сахалыы тыыннаан, утүө сиэргэ – майгыга угуйан, төрөөбут тылбытын ыһыктыбакка инникигэ эрэллээхтик илдьэ сылдьыахтаахпыт. Саха тылбытын уһуннук кэтээн корбут дьоннор этиилэринэн, сахалыы дьоһуннук толкуйдуур, санарар – инэрэр ыалга иитиллибит о5о утуо майгылаах сиэрдээх киьи буолан улаатар. Мин саныахпар,төрөөбут тылынан көҥүллүк саҥара үөрэммит оҕо атын омук тылын түргэнник ылынар, иннигэ эрэлэ быдан тардыһыылаах буолар. Оттон сахалыы тылы билбэт саха оҕолорун көрдөххө, күннээҕинэн толкуйдаах, уһуну – киэни ырыта барбат, быстах майгылаах буолар курдуктар. Онон сибээстээн, оҕо кыра эрдэҕиттэн төрөөбүт тылынан иитиллэр эйгэтин кэҥэтэн хайаан да өйтөн суруйууну киллэрэр наада. Маннык тугэҥҥэ оҕо этэр санаатын сааһылана, тыл баайын эгэлгэтин туһана, толкуйдуур дьоҕурун сайыннара үөрэнэрин ситиһэллэр. Ити курдук кыра тугэннэртэн саҕалаан иитиллибит ийэ тылбыт сүөгэйин-сүмэтин иҥэрэн, киһилии киһини иитэргэ өлук уурарга кыһаллыаҕын. Төрөөбүт тыл үөрэх, иитиитин тыла буолар аналлаах.

Төрөөбүт тыл - саха киһитин олоҕор, инники кэскилигэр  тэннэ кыттар иэйиитэ, тобулаан таһаарар өркөн өйө, духовнаһа, төрүт өбүгэбит удьуорун, силиьин – мутугун быстыспат ситимэ.

Саргылаах сахабыт тыла сайда үүнэ туруохтун!