Мордовской Федор Павлович
Мордовской Федор Павлович — Аҕа дойду Улуу сэриитин кыттыылааҕа.
1916 сыллаахха Тыараһа нэһилиэгэр Таатта улууһугар төрөөбүт. 1929—1930 сс. Кытаанах алын сүһүөх оскуолатыгар үөрэммит. 1931 с. Чөркөөх алын сүһүөх оскуолатыгар 3—4 кылаастары бүтэрбит. Ол кэннэ ФЗУ-га үөрэммит.
1936—1938 сс. пединститут физико-математическай факультетыгар үөрэммит. Онтон Чөркөөх оскуолатыгар дириэктэрдээбит. 1939 с. тохсунньу ыйтан Таатта райкомун БСК(б)П пропаганда уонна агитация салаатын сэбиэдиссэйинэн үлэлээбит.
Аармыйаҕа Чурапчы оройуонун военкоматынан ыҥырыллыбыт. 1943 сыллаахха балаҕан ыйын 8 күнүгэр кыргыһыы хонуутугар хорсуннук охсуһа сылдьан бааһыран өлбүт. Ийэтигэр Сөдүөччүйэҕэ, саҥаһыгар Татьянаҕа уонна балтыгар Вераҕа суруйбут суруга Национальнай архыып филиалыгар харалла сытар.[1]
Бүтэһик сулууспата: 230-с Сталинскай СД, красноармеец. Көмүллүбүт сирэ: Сталинскай уобалас, Сталино[2][3].
Быһаарыылар
уларыт- ↑ НАФ, 2970 ф., 29 оп., 298 дь., 4 л. М. Г. Старостин. Өлбөөдүйбэт үйэ аҥаара. — Дь.: Бичик, 1995.
- ↑ Билиҥҥи Донецкай уобалас, Донецк куорат.
- ↑ Информация в электронном банке документов ОБД «Мемориал»