Мухтар Кент
Мухтар Кент (англ. Muhtar Kent; 1952) — туурак төрүттээх америка урбаанньыта. The Coca-Cola Company президенэ уонна генеральнай директора. Бу дуоһунаска 2008 сыллаахха анаммыта.
Олоҕо
уларытКент Мухтар 1952 сыллаахха Нью-Йорка төрөөбүтэ. Аҕата Недждет Кент АХШ-ка Турция генеральнай консулунан улэлээбитэ. Иккис Аҕа дойду сэриитин кэмигэр дьэбириэйдэри өлөр өлүүттэн быыһаан "туурак Шиндлерэ" диэн ааттаммыта. Кент Мухтар 1971 сыллаахха Турцияҕа Тарсуса орто оскуолатын бүтэрэн баран Великобританияҕа Халл Университетыгар үөрэнэ барар. Экономика факультетын үөрэнэн бүтэрэр. Лондон куораттааҕы университетыгар үөрэнэн магистр дипломун ылан баран ойдутугар байыаннай эбээһинэнһин толоро барар. Сулууспалаан баран АХШ-ка төннөн кэлэн олохсуйар.
Үлэтэ-хамнаһа
уларытМухтар Кент Кока-кола хампаанньаҕа хаһыака биллэриини көрөн үлэҕэ киирэр. Кока-коланы массыынанан сылдьар атыылыыр. Бу сылдьан атыы-эргиэн кистэлэҥнэрин билэр-көрөр, үөрэтэр. 1985 сыллаахха Кока-кола хампаанньа Турцияҕа, Орто Азияҕа баар салааларыгар генеральнай директорынан ананар. 1988 сыллаахха Coca-Cola International вице-президенинэн ананар. 1995 сыллаахха Мухтар Кент Coca-Cola Europe хампаанньа салайааччы директорынан ананар.
20 сыл үлэлээн баран дойдутугар Турцияга баран «Anadolu» Efes утаҕы оҥорор хампаанньаны салайар. 2005 сыл ыам ыйыгар Кока-кола хампаанньаҕа төннөн кэлэн Хотугу Азия, Евразия уонна Ближнэй Востокка эппиэттээх директорынан ананар. 2008 сыл от ыйын 1 күнүттэн The Coca-Cola Company генеральнай директорын быһыытынан үлэлиир.