Назаров Николай Семенович

Назаров Николай Семенович — Аҕа дойдуну көмүскүүр сэрии кыттыылааҕа, Мэҥэ-Хаҥалас улууһун Ытык киһитэ.

1925 с. I Тыыллыма нэһилиэгэр төрөөбүт.

1942 с. Молотов аатынан колхозка государствоҕа туттарар балык биригээдэтигэр үлэһит буолбута. 1943—1947 сс. Аҕа дойдуну көмүскүүр сэрии кыттыылааҕа. Сэрииттэн эргиллэн кэлэн, Сталин аатынан колхозка, кэлин Ленин аатынан совхозка араас салайар үлэҕэ үлэлээбитэ. I Тыыллыма нэһилиэгин Сэбиэтин секретара, биригэдьиир, управляющай, колхоз солбуйааччы председателэ курдук эппиэтинэстээх дуоһунастарга үлэлээбитэ. Аҕа дойду сэриитин II степеннээх орденын, «Хорсунун иһин», «Германияны Кыайыы иһин» мэтээллэринэн наҕараадаламмыта.