Неустроев Иннокентий Иннокентьевич

Неустроев Иннокентий Иннокентьевич — суруналыыс, СӨ бэчээтин туйгуна, краевед, саха чулуу дьонун туһунан кинигэлэр ааптардара.

1949 сыллаахха тохсунньу 13 күнүгэр Мэҥэ-Хаҥалас оруйуонун Бэдьимэ сэл. төрөөбүт.

1980 сыллаахха Дьокуускайга тыа хаһаайыстыбатын салайар кадрдардарын техникумугар киирбит. Онтон Сунтаар оройуонун Бордоҥор фермаҕа биригэдьиирдээбит.

1982 сыллаахтан Сунтаар оройуонун "Ильич уоттара" хаһыатыгар тыа хаһаайыстыбатын салаатын кэрэспэдьиэнэ буолбут.

1989 сыллаахха Мэҥэ Хаҥалас оройуонун "Ленинское знамя" – "Эркээйи" хаһыатыгар тыа хаһаайыстыбатын салаатын сэбиэдиссэйэ, эрэдээктэри солбуйааччы. «Кыымҥа» 2006 сыллаахха, 2008 сыллаахтан «Саха Сирэ» хаһыакка Илин Эҥэр улуустарга анал кэрэспэдьиэн. 2012–13 сылларга "Эркээйи" хаһыакка "Манчаары" т/х кэпэрэтиибин "Үрдэл" диэн балаһатын таһаара сылдьыбыт.

Майаҕа олорбута.

Суруйууларын сүрүн тиэмэтэ: тыа хаһаайыстыбата, саха уһулуччулаах дьоно.

130 Саха сирин нэһилиэгин туһунан кинигэни мунньубут.

2013 сыллаахха сэтинньи 25 күнүгэр ыалдьан өлбүтэ.

Наҕараадалара

• "Көмүс бөрүө" бириэмийэ лауреата
• САССР Үрдүкү Сэбиэтин Бочуоттаах грамотата
• СӨ бэчээтин туйгуна
• Мэҥэ-Хаҥалас улууһун бочуоттаах кинигэтигэр киллэриллибит.

Кинигэлэрэ

• Саха сатаабатаҕа суох. Дьокуускай: Бичик, 2000. - 144 с. 6000 экз. ISBN 5-7696-1007-7
• Омук сиригэр олохсуйбут сахалар. Дьокуускай: Бичик, 2006. - 144 с. 2000 экз. ISBN 5-7696-2475-2
• Доруобуйа - дьол. Дьокуускай: Бичик, 2011.