Ньурба улууһун былааҕа

Саха Өрөспүүбүлүкэтин "Ньурба улууһа" олохтоох тэриллии былааҕа — бу олохтоох тэриллии биир дьоһун бэлиэтэ буолар.

Дьүһүнэ

Былаах — көнө муннуктардаах иэн буолар; усталыы үс өҥнөөх балаһалардаах: халлаан күөҕэ, маҥан уонна от күөҕэ. Устатын уонна кэтитин сыһыаннаһыыта 3:2 (кээмэйэ 100х150).
Балаһаларын кэтиттэрэ былаах кэтитигэр сыһыаннаһыыта:

• халлаан күөх балаһа — 1/4;
• маҥан балаһа — 1/2;
• от күөх балаһа — 1/4.

Маҥан өҥнөөх балаһа ортотугар Ньурба улууһун гербэтин биир сүрүн бэлиэтэ — мохсоҕол — ойууламмыт. Мохсоҕол икки хахыйах чэчирдэригэр тирэхтэммит. Чэчирдэр сэбирдэхтэрин ахсаана — 19. Мохсоҕол үрдүгэ былаах кэтитин 1/2 тэҥ, өҥө — көмүстүҥү араҕас.

Ытык бэлиэ олоҕо

Ньурба дьонун төрүтүнэн Ньырбачаан буолар. Ньырбачаан күүһэ, өйө уонна кыаҕа ийэ кыылынан — мохсоҕолунан араҥаччыланар. Мохсоҕол олорор чэчирдэрэ 19 сэбирдэхтээх, чэчирдэр сэбирдэхтэрин ахсаана Ньурба улууһун олохтоох тэриллиилэрин ахсааныгар тэҥнэһэр. Мохсоҕол түөһүгэр күҥҥэ майгынныыр сахалыы оһуордаах щит ойууламмыт, бу үйэлэр тухары баар, халбаҥнаабат, бигэлээх олох им бэлиэтэ буолар.

Былаах ааптардара

• Ньурба улууһун олохтоох тэриллиилэрин былаахтара
• 
  Октябрьскай нэһилиэк
  (Ньурба улууһа)

Өссө маны көр

• Ньурба улууһун гербэтэ

Сигэлэр

Официальный информационный портал Республики Саха (Якутия)