Огонёк

Огонёк бөһүөлэк, Уус-Маайа улууһун территориятыгар үөскүү сылдьыбыт көмүс хостооччулар бөһүөлэктэрэ.

1941 сыллаахха Жар диэн ааттаах тэриллибитэ. Бөһүөлэк сүрүн тэрилтэтэ "Юдома" бириискэ. Нэһилиэнньэтин ахсаанан 3 тыһыынчыҕа тиийэ сылдьыбыта.

1968 сыллаахха көмүһү хостоон бүтэрбиттэрин кэннэ учуоттан сотуллубута. Юдома өрүс үрдүгэр Югоренок бөһүөлэктэн 50 км. өрө Жар диэн үрүйэ төрдүгэр баара.